Կիրակի Իսրայելում մեկնարկել է դատավարություն ընդդեմ երկրի վարչապետ Բենյամին Նեթանյահուի, հաղորդում է BBC News-ը։
Նա Իսրայելի առաջին առաջնորդն է, որի նկատմամբ ընթանում է դատավարություն կառավարության ղեկին գտնվելու ժամանակ։ Նեթանյահուն մեղադրվում է կոռուպցիայի, խարդախության եւ վստահությունը չարաշահելու մեջ, սակայն ինքը՝ Իսրայելի վարչապետը, հերքում է իր հասցեին ուղղված մեղադրանքները։
Դատավարությունը մեկնարկում է ընդամենը մեկ շաբաթ անց, երբ Նեթանյահուն գլխավորել է կառավարությունը հերթական անգամ։
Ակնկալվում է, որ վարչապետը ներկա կգտնվի դատական նիստի ժամանակ, որը կանցկացվի բաց ռեժիմում։
Իսրայելի պատմության մեջ Նեթանյահուն ամենաերկար պաշտոնավարած վարչապետն է․ նա ղեկավարում է կառավարությունը 2009 թվականից։
