News
Լրահոս
News
Շաբաթ
Հուլիս 04
USD
483.84
EUR
543.3
RUB
6.81
ME-USD
0.02
Տեսնել լրահոսը

Բելգիայի 40 քաղաքացիների նախաձեռնող խումբը թագավորությունում առաջին դատական ​​հայցն է ներկայացրել բելգիական պետության, ՆԳՆ-ի եւ անձամբ գերատեսչության պետ Փիթեր Դե Կրեմի դեմ՝ կարանտինի ընթացքում քաղաքացիների անձնական ազատություններն ու իրավունքները սահմանափակելու համար, հայտնում է ՏԱՍՍ-ը՝ վկայակոչելով RTBF-ն:

Դատական հայցի էությունն այն է, որ, ըստ քաղաքացիական ակտիվիստների, երկրի իշխանությունները «պատճենել են Չինաստանի ձեռնարկած միջոցները՝ առանց հաշվի առնելու մարդու իրավունքների եվրոպական չափանիշները»: Ըստ հայցվորների փաստաբանի՝ «Բելգիայում կոմունիստական ​​կարանտինն անընդունելի է, անհրաժեշտ էր վերլուծել այդ միջոցները՝ մարդու իրավունքների տեսանկյունից»: Հեռուստաալիքը չի պարզաբանում, թե ինչու է որպես հիմնական պատասխանատու ընտրվել Դե Կրեմը, երբ կարանտինային միջոցառումները ներդրվել են բելգիական ազգային անվտանգության խորհրդի որոշմամբ, այսինքն՝ երկրի բոլոր պետական ​​ինստիտուտների համաձայնեցված որոշմամբ:

Բելգիայում, որտեղ փաստաբանի ծառայությունների միջին արժեքը ժամում 250 եվրո է կազմում, կա տարածված պրակտիկա, երբ լրատվամիջոցներում արձագանքի բարձր ներուժ ունեցող դատական ​​գործերը հարուցվում են հենց փաստաբանների ներկայացմամբ, որոնք տվյալ գործով աշխատում են խորհրդանշական վճարի դիմաց՝ ԶԼՄ-ներում իրենց անունը գովազդելու համար:

Բելգիայի ՆԳՆ-ն հայտնել է, որ ոչինչ չգիտի այս դատական ​​գործի մասին, բայց ճանաչում է քաղաքացիների՝ դատական ​​կարգով պաշտպանվելու իրավունքը:

Կիրակի օրը ստացված տվյալների համաձայն՝ Բելգիայում համավարակի բռնկումից ի վեր կորոնավիրուսով վարակման դեպքերի թիվը 57 092 է կազմել, մահացել է 9 280 մարդ: Երկրի բնակչությունը 11.5 միլիոն մարդ է, կորոնավիրուսի ախտորոշման թեստեր են անցկացվում միայն վարակվածների շրջանում, ովքեր հիվանդության սուր ախտանիշներ ունեն: Բելգիայում կարանտին էր հայտարարվել մարտի 14-ին, ինչից հետո փակվեցին կրթական, մշակութային եւ հասարակական հաստատությունները, ուսանողներն եւ դպրոցականներն անցան հեռավար ուսուցման: Իշխանություններն արգելել են զանգվածային միջոցառումները, ուղեւորությունները երկրի տարածքով:

Մայիսի 4-ից Բելգիան անցել է կարանտինի փուլայն հանմանը՝ բնակչությունից պահանջելով պաշտպանիչ դիմակներ կրել հասարակական վայրերում: Կարանտինի չեղարկման գործընթացը կարող է տեւել առնվազն մինչեւ ամառվա վերջ:

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Կասեցումներ «Սուրմալու» եւ «Փեթակ» առեւտրի կենտրոներում
Շուկայի վերահսկողության տեսչական մարմինը կատարել է կասեցումներ Երեւան քաղաքի «Սուրմալու» եւ «Փեթակ» առեւտրի կենտրոներում...
Գագիկ Ծառուկյանը մեկուսացել է իր առանձնատանը, նա բժիշկների հսկողության տակ է. պաշտպան
Նա նշեց, որ երեքշաբթի դատական նիստ է նշանակված Վերաքննիչում, որն ամենայն հավանականությամբ…
Բրազիլիայի առողջապահական կարգավորիչը հաստատել է կորոնավիրուսի դեմ չինական պատվաստանյութի փորձարկումները
Sinovac-ի հետ պայմանագիրը ոչ միայն փորձարկումներ է ենթադրում, այլեւ՝ դեղամիջոցի տեխնոլոգիայի փոխանցում տեղական պատվաստանյութերի արտադրության համար․․․
Հուլիսի 4․ Ոստիկանության ուժեղացված ստուգայցերը շարունակվում են. մեկ օրում իրավախախտման 3028 դեպք
ՀՀ ոստիկանության արտաքին ծառայության ստորաբաժանումների արտակարգ…
Աշխարհում կորոնավիրուսով վարակման դեպքերի թիվը գերազանցել է 11 միլիոնը
Կորոնավիրուսով վարակման գրանցված դեպքերի թվով առաջատարը շարունակում է մնալ ԱՄՆ-ն․․․
Պացիենտների բուժօգնությունն իրականացվում է 19 ԲԿ-ներում, որից 12-ը` Երևանում. պարետը նոր տվյալներ է ներկայացրել
Սկզբնական փուլում կորոնավիրուսային հիվանդության հայտնաբերման նպատակով իրականացվող օրական…