Իսպանիայի իշխանությունները կարող են մինչեւ չորս ժամ սահմանափակել լողափերում հանգստացողների ժամանակը: Այս քայլը կկրճատի ծովի մոտ միաժամանակ գտնվող քաղաքացիների թիվը եւ կնվազեցնի կորոնավիրուսով վարակման հավանականությունը:
Հանգստացողների թվին հետեւել կօգնեն հատուկ հաղորդիչները, գրում է «ՌԻԱ Նովոստի»-ն՝ վկայակոչելով The Sun-ը: Դրանք կտեղադրվեն լապտերասյուների վրա եւ կկարողանան ֆիքսել ծովին մոտեցող քաղաքացիներին:
Սմարթֆոնում հատուկ հավելվածի միջոցով սարքը նաեւ կտեղեկացնի, թե որ լողափերն են ամենաշատը ծանրաբեռնված, որպեսզի հանգստացողները կարողանան արագորեն փոխել պլանները եւ հետո գնալ լողալու:
Առաջին հաղորդիչները կտեղադրվեն Ֆուենհիրոլա առողջարանային քաղաքում: