News
Լրահոս
News
Շաբաթ
Հուլիս 04
USD
483.84
EUR
543.3
RUB
6.81
ME-USD
0.02
Տեսնել լրահոսը

Նպատակահարմար չենք գտնում մաս կազմել ձեւավորվող կառավարությանը: Այս մասին հայտարարություն է տարածել ՀՅԴ ԱրցախիԿենտրոնական կոմիտեն:

Հայտարարությունում ասվում է.

«Սիրելի  հայրենակիցներ,

Արցախում առաջին անգամ կայացած համաժամանակյա  խորհրդարանական եւ նախագահական ընտրությունների արդյունքներով այժմ կազմավորվում են երկրի գործադիր եւ օրենսդիր նոր իշխանությունները:

2020թ. ապրիլի 9-ի հայտարարությամբ տեղեկացրել ենք ԱՀ Ազգային Ժողովի ընտրությունների կապակցությամբ մեր գնահատականների եւ նախագահական ընտրությունների երկրորդ փուլում ՀՅԴ դիրքորոշման մասին:

Նկատի ունենալով համապետական ընտրությունների եւ ընտրված նախագահի հետ բանակցությունների արդյունքները՝  նպատակահարմար չենք գտնում մաս կազմել ձեւավորվող  կառավարությանը:

2019թ. հուլիսի 7-ին եւ օգոստոսի 30-ին ՀՅԴ հրապարակած քաղաքական միասնական օրակարգի առաջնահերթությունների եւ նախընտրական ծրագրի հիման վրա հարաբերություններ ենք կառուցելու ինչպես քաղաքական ուժերի, այնպես էլ Արցախի Հանրապետության իշխանությունների հետ:

Հուսով ենք, որ նոր իշխանությունները ջանք չեն խնայի հաջողություններ արձանագրելու ներքաղաքական խորհրդակցությունների ընթացքում առավել կարեւորված՝ պետականության ամրապնդման, անվտանգության ապահովման, Արցախի Հանրապետության միջազգային ճանաչման, Սահմանադրական բարեփոխումների, Հայաստանի Հանրապետության հետ ռազմաքաղաքական դաշինքի իրավապայմանագրային ամրագրման, տնտեսական զարգացման, սոցիալական արդարության հաստատման, վերաբնակեցման եւ ժողովրդագրական իրավիճակի բարելավման ուղղություններով:

ՀՅ Դաշնակցությունն իր համահայկական կառույցով հաստատակամորեն շարունակելու է ներդրում ունենալ հայրենիքի  բարգավաճման գործում: ՀՅ Դաշնակցության ելակետային ուղենիշը եղել եւ մնում է ազատության, արդարության, ազգային ու համամարդկային արժեքների ամրակայումը եւ ներազգային համերաշխության  ապահովումը:  

!
Այս նյութը հասանելի է նաև   English
Տպել
Կարդացեք նաև
Ամբողջը
ՊԲ հրամանատար Ջալալ Հարությունյանի նախագահությամբ ամփոփվել են զորավարժությունների արդյունքները (ֆոտո)
Ըստ փուլերի անդրադառնալով զորավարժությունների արդյունքներին
Նարեկ Հարությունյանը նշանակվել է Արցախի գլխավոր դատախազի տեղակալ
Արցախի նախագահ Արայիկ Հարությունյանը հուլիսի 3-ին ստորագրել է...
Մեկնարկել է Զոհրաբ Մնացականյանի աշխատանքային այցն Արցախ
Արցախի ԱԳՆ-ում նախարար Մնացականյանին դիմավորեց Արցախի ԱԳ նախարար Մասիս Մայիլյանը...
Արցախի Հանրապետության նախագահը նախաձեռնել է համաներման եւ ներման առանձին գործընթացներ
Համաներում հայտարարելու մասին օրենքի նախագիծը շուտով ներկայացնելու եմ Ազգային ժողով՝ առաջարկելով այն տարածել մինչեւ հուլիսի 1-ը ներառյալ…
Արայիկ Հարությունյանը ՊԲ սպաների բնակարանային ապահովության հարցերի շուրջ խորհրդակցություն է հրավիրվել
Սպաների ընտանիքների թվաքանակի, նրանց՝ ըստ շրջանների բաշխվածության եւ նախատեսվող ֆինանսական ծախսերի մասին համախատասխան զեկույցներով հանդես են եկել ԱՀ պետական նախարար Գրիգորի Մարտիրոսյանը…
Արցախում կորոնավիրուսի 4 նոր դեպք է գրանցվել. Նոր օջախ Ստեփանակերտում
Եվս մեկ նոր օջախ է հայտնաբերվել Ստեփանակերտում...