News
Լրահոս
News
Երեքշաբթի
Հուլիս 07
USD
484.35
EUR
547.07
RUB
6.74
ME-USD
0.02
Տեսնել լրահոսը

«Իրատես» թերթը գրում է. «Ոչ մի ընդդիմադիր ուժ չէր կարող այսօրվա իշխանության ողջ դեմքը հանրությանը այնպես ցույց տալ, ինչպես համավարակն արեց։ Կորոնավիրուսը շատ դաժան վարվեց ու ընդամենը 2 ամսում իշխանության կառավարման ապաշնորհությունն ամբողջությամբ ջրի երես դուրս բերեց։

Ու Փաշինյանի իշխանությունը, որի հիմքը նախկիններին թիրախավորելն է եւ նրանցով հանրությանը վախեցնելը, չկարողացավ կռիվ տալ վիրուսի դեմ, մաշվեց ու ենթարկվեց նրան։ Արդեն օրական շուրջ 500 վարակակիր ունենալու պարագայում խոսել իշխանության վերահսկողության մասին, աբսուրդ է։ Արդեն ոչ մի կերպ հնարավոր չէ վիրուսակիրների թիվը նվազեցնել, ուրեմն ի՞նչ են անում պարետատունը, առողջապահության նախարարությունը, ողջ իշխանությունը։ Կողքից հետեւում է, անպտուղ նիստեր է անում, կեռաս է հավաքում, անմիտ հայտարարություններով միջազգային սկանդալներ հրահրում, հետո նսեմացած ներողություն խնդրում, հասարակության վրա «մունաթ» գալիս։ Որքան պիտի շարունակվի այս ամենը, բարդ է ասել, որովհետեւ Նիկոլ Փաշինյանն այդքան հեշտ իշխանությունը չի թողնի ու հեռանա։ Քանի դեռ կա նրան սատարող թեկուզ տասը մարդ, նա ամեն ինչ կանի, որ մնա։

Իշխանափոխության համար ընդդիմադիր ուժ այսօր չկա, կան անհատներ, որոնց շուրջ համախմբում իրականացնելու համար ժամանակ է պետք։ Ասել է՝ քիչ է հավանականությունը, որ այլընտրանքային ուժ կարող է արագ ձեւավորվել ու տապալել այսօրվա իշխանությանը։ Նիկոլ Փաշինյանի թույլ կետը եղել եւ մնում են նրա շուրջը հավաքվածները, որոնք ամեն վայրկյան կարող են թիկունքին հարվածել։ Նորություն չէ, որ Փաշինյանը թիմ չունի, կան խմբակներ, որոնք տարբեր հոսանքների են հարում ու մի քանի կենտրոններից են ուղղորդվում։

Ու եթե իշխանության ներսում Փաշինյանի տապալման հարցում համախոհություն եղավ, կարելի է համարել, որ այս կառավարության կյանքի օրերը հաշվված են։ Սա թերեւս ամենալավը զգում է հենց Փաշինյանը, սակայն արդեն անզոր է որեւէ բան անելու։ Նրան ուժգին հարվածում են դրսից, ներսում էլ ականները շուտով թիկունքում պայթելու են։

Ու մինչ այս իրավիճակը կձգվի, երկիրը «ձեռքից գնում» է, վարակը կաթվածահար է արել առողջապահական համակարգը, տնտեսությունը, իշխանությունն էլ անկարող է կառավարում իրականացնելու, ավելին, փչացրել է միջազգային բոլոր հարաբերությունները։ Սակայն մի էական առաջխաղացում, այսուհանդերձ, գրանցվել է։ Հայաստանի իշխանությունը երբեք այսքան ջերմ չի արտահայտվել Ադրբեջանի ղեկավարի «արժանիքների» մասին՝ էլ կիրթ, էլ կառուցողական։ Սա 100 փաստերին արժանի ձեռքբերում պիտի համարել»:

Առավել մանրամասն՝ թերթի այսօրվա համարում

Տպել
Կարդացեք նաև
Ամբողջը
«Սա քայլ է վարչապետի թիկունքից. 34 տարվա թալանչի համայնքապետին հետ են բերում». Եղեգնուտում վիճակը լարված է
Համայնքապետարանը չի աշխատելու: Ո՞վ իրավունք ունի գյուղացիների փոխարեն նստի որոշի, թե ով է մեր գյուղը ղեկավարելու...
«Ժողովուրդ». Հայկ Հարությունյանի մահվան գործով բավականին ակտիվ գործողություներ են կատարվում
Մասնավորապես, մեզ հասած տեղեկությունների համաձայն՝ Հայկ Հարությունյանի ինքնասպանության գործով բավականին շահագրգռված է...
«Հրապարակ». ՍԴ դատավորներից զենքը չեն վերցրել, բա որ կիրառե՞ն
Նիստն իրավազոր է 5 դատավորի մասնակցության դեպքում, կարծում եմ` տեղի կունենա...
«Հրապարակ». Շուշանիկ Ներսիսյանը հետ է բերել Դավիթ Անանյանի ազատած կադրին
ՊԵԿ նախկին նախագահի ու Կարեն Բաբայանի միջեւ վիճաբանություն է տեղի ունեցել, եւ Անանյանը Բաբայանին 10 րոպե ժամանակ է տվել, որ դիմում գրի եւ հեռանա...
«Փաստ». Փաշինյանից հիասթափվել են, սակայն այլ առաջնորդի հարցում դեռ չեն կողմնորոշվել
Սակայն սա, ըստ մեր տեղեկությունների, ավելի է նյարդայնացնում վարչապետին...
«Հրապարակ». Ծառուկյանի խնամին բուժում է ստանում Գերմանիայում. այնտեղ մենակ է, ընտանիքը Հայաստանում է
Հիմա իրեն լավ է զգում, բնակվում է կլինիկային կից հյուրանոցում, որը, կորոնավիրուսով պայմանավորված, 50 տոկոս զեղչ է արել...