ԱՄՆ վարչակազմը պանդեմիայի պատճառով զրկվում է այլ երկրների նկատմամբ պատժամիջոցներ կիրառելու հնարավորությունից, գրում է չինական Global Times թերթը:
«Միացյալ Նահանգները շղթայված են նոր կորոնավիրուսով, եւ նրանց իրական հնարավորությունները թուլացել են: Սպիտակ տունը պնդում է, որ կարող է պատժամիջոցներ սահմանել Չինաստանի նկատմամբ (Հոնկոնգի պատճառով), սակայն գործիքներն ու ռեսուրսները զգալիորեն նվազել են: Այդպիսով մենք տեսնում ենք ամերիկյան կողմի միայն բլեֆը»,-ասվում է թերթի հոդվածում, հաղորդում է ՏԱՍՍ-ը:
Հեղինակները նշում են, որ Արեւմուտքն աստիճանաբար «կորցնում է իր շարմը»:
«Չինաստանը պետք է լուծի հոնկոնգյան հարցը, եւ հասարակական կարծիքը փոխելու ԱՄՆ փորձերը ոչնչի չեն հանգեցնի»,-գրում են հեղինակները:
ԱՄՆ-ում գրանցվել է կորոնավիրուսով վարակման ավելի քան 1,66 մլն դեպք, մահացել է ավելի քան 98 հազար մարդ: