Երևանի «Սուրբ Աստվածամայր» բժշկական կենտրոնի վերակենդանացման բաժանմունքում նախօրեին՝ մայիսի 25-ին, 5-ամյա երեխա է մահացել։ Այս մասին NEWS.am-ին հայտնեցին բժշկական կենտրոնի հասարակայնության հետ կապերի բաժնից։
Տղա երեխան «Սուրբ Աստվածամայր» է տեղափոխվել Մասիսի բժշկական կենտրոնից մայիսի 20-ին անգիտակից, արյունահոսությամբ, ծայրահեղ ծանր վիճակում, ունեցել է գանգուղեղային տրավմա։
Ավելի ուշ ԲԿ-ի մամուլի խոսնակ Գեւորգ Դերձյանը ֆեյսբուքյան իր էջում գրել է, որ երեխայի մահը կապ չունի կորոնավիրուսի հետ․ «Մահը ոչ մի կապ չունի կորոնավիրուսի հետ, խնդրում եմ չշահարկել։ Երեխայի հետ դժբախտ դեպք է տեղի ունեցել: Տան հեռուստացույցը (սովետական) ընկել է վրան»: