Ռուսաստանում մեկ օրվա ընթացքում կորոնավիրուսով վարակման 8915 նոր դեպք է գրացվել, հայտնել են COVID-19-ի տարածման դեմ պայքարի օպերատիվ շտաբում, փոխանցում է «ՌԻԱ Նովոստի»-ն:
Դեպքերի մեծ մասը գրանցվել է Մոսկվայում (2830), Մերձմոսկվայում (817), Սանկտ Պետերբուրգում (363), Նիժնի Նովգորոդի մարզում (228) եւ Սվերդլովսկի մարզում (207): Միեւնույն ժամանակ, 3668 մարդու մոտ հիվանդության ախտանիշներ չկան: Մահացել է 174 հիվանդ. սա մահվան դեպքերի ռեկորդային թիվ է Ռուսաստանում համավարակի սկզբից ի վեր:
Նախօրեին գրանցված դեպքերի թիվը մի փոքր ավել էր՝ 8946:
Այսպիսով, Ռուսաստանի 85 մարզում կորոնավիրուսի բռնկման ամբողջ ժամանակահատվածում վարակվել է 362.342 մարդ: Նրանցից ավելի քան 131 հազարը (վերջին 24 ժամվա ընթացքում `ավելի քան 12 հազար) առողջացել է, մահացել է 3807 մարդ:
