Ամբողջ աշխարոհւմ բոլոր երկրների ղեկավարները կոչ են անում՝ անհատական եւ սոցիալական պատասխանատվություն դրսեւորել: Այս մասին այսօր՝ մայիսի 26-ին, ԱԺ-ում լրագրողների հետ ճապազրույցի ժամանակ ասաց «Իմ քայլը» խմբակցության պատգամավոր Լիլիթ Մակունցը՝ պատասխանելով լրագրողի հարցին, թե որքանո՞վ է ճիշտ, որ վարչապետ Նիոկ Փաշինյանը հանրության հույսին է թողել կորոնավիրուսի դեմ պայքարը։
«Գործողությունների պատասխանատվությունը կրում է կառավարությունը եւ համաձայն չեմ ձեր այն ձեւակերպման հետ, որ պատասխանատվությունը գցում է հարնության վրա։ Ամբողջ աշխարոհւմ բոլոր երկրների ղեկավարները կոչ են անում՝ անհատական եւ սոցիալական պատասխանատվություն դրսեւորել, որովհետեւ համավարակի տարածումը եւ տեմպերի աճը պայմանավորված է յուրաքանչյուրիս գործողություններով եւ այդ ընկալումը փոխանցելը հանրությանը չի նշանակում պատասխանատվությունը գցել մեկլ այլ անձի վրա։ Պետք է մեր մոտեցումը լինի այն, որ յուրաքանչյուրիցս շատ մեծ բան է կախված եւ դա ցույց տալիս այսօր ամբողջ աշխարհում տեղի ունեցող զարգացումները»,- ասաց պատգամավորը։
