News
Լրահոս
News
Շաբաթ
Հուլիս 11
USD
486.73
EUR
549.62
RUB
6.84
ME-USD
0.02
Տեսնել լրահոսը

Արցախը ողջունում է ՄԻԵԴ-ի որոշումը հայ սպա Գուրգեն Մարգարյանի սպանության գործով, բայց անհրաժեշտ է համարում, որպեսզի հետագա քաղաքական եւ իրավական քայլեր ձեռնարկվեն Ադրբեջանի նկատմամբ: Այս մասին ասաց Արցախի նախագահի արտաքին քաղաքականության գծով խորհրդական Դավիթ Բաբայանը՝ NEWS.am-ի թղթակցի խնդրանքով մեկնաբանելով ՄԻԵԴ-ի որոշումը:

Ըստ նրա՝ անհրաժեշտ է միջազգային հանրության ուշադրությունն ավելի ուժեղ սեւեռել Ադրբեջանի հակահայկական քաղաքականության վրա: «Սաֆարովի կողմից կատարված հանցագործությունը որոշ չափով կարելի է նացիզմի շարունակություն համարել: Անհրաժեշտ է Նյուրնբերգյան կոնֆերանսի ժամանակակից անալոգը՝ Ադրբեջանի կողմից կատարված հանցագործությունները հետաքննելու համար: Այո, որոշումը կայացվել է: Աշխարհի առաջատար լրատվամիջոցները լուաբանել են այն, ՄԻԵԴ-ին վկայակոչելով, արձանագրել են միջազգային իրավական ակտերի խախտումը: Դա շատ լավ է. Մենք ողջունում ենք եւ կարեւոր ենք համարում որոշումը: Սակայն անհրաժեշտ է, որպեսզի դատապարտումը բարոյական հարթությունից տեղափոխվի քաղաքական հարթություն: Ադրբեջանը պետք է պատժվի: Քաղաքական եւ իրավական շարունակությունն անհրաժեշտ է», - շեշտեց Դավիթ Բաբայանը՝ հավելելով, որ համապատասխան քայլեր են անհրաժեշտ նաեւ Հունգարիայի հետ կապված: Մենք իրատես ենք եւ հասկանում ենք, որ բարոյականից քաղաքական հարթություն տեղափոխելու համար հարկավոր է ծանր աշխատանք կատարել շատ երկար ժամանակ: Բայց եթե հիմա մենք քաղաքական եւ իրավական գնահատական ​​չտանք Սաֆարովին ներում շնորհելու հարցում Ադրբեջանի գործողություններին եւ փաստացի գրավին նրա համար, ժամանակը բաց կթողնվի, նշեց Բաբայանը՝ հիշեցնելով, որ ՄԻԵԴ-ի որոշումը կայացվել է մարդասպանի ազատ արձակումից շատ ժամանակ անց:

Դավիթ Բաբայանը արձանագրեց, որ Ադրբեջանը չի կատարում ներպետական գործերով ՄԻԵԴ-ի որոշումները: «Իլհար Մամեդովի եւ մյուս քաղբանտարկյալների գործով շատ բանաձեւեր կային: Իսկ Սաֆարովի հարցը՝ էլ ավելի կարեւոր, խտրականության եւ նացիզմի դրսեւորում է», - շեշտեց նա:

Ինչ վերաբերում է նրան, թե ինչպես որոշումը կարող է ազդել բանակցային գործընթացի վրա, Արցախի նախագահի խորհրդականը նշեց, որ դա կախված կլինի նրանից, թե ինչպես կհաջողվի օգտագործել փաստերը: «Չընկնել էյֆորիայի մեջ, հատկապես՝ վիրտուալ իրականության: Մտածել, որ Ադրբեջանի՝ նացիստական ​​խտրական բնույթի գործողությունները բացահայտվել են, եւ նշանակում էր, որ միջազգային հանրությունը կփրկի մեզ: Սաֆարովի օրինակը դրա հստակ հաստատումն է. այսքան տարի է անցել, իսկ նա ոչ միայն ազատության մեջ է, այլ ներվել եւ հերոսացվել է: Ուստի երկրորդ քայլ է անհրաժեշտ՝ որոշումը տեղափոխել իրավական եւ քաղաքական հարթություն»,- եզրափակեց Դավիթ Բաբայանը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Բաքվին օտար է չափի զգացողությունը. «ռամիլ սաֆարովն Ադրբեջանի արժանի որդին է»
«Ռամիլ սաֆարովն Ադրբեջանի արժանի որդին է, իսկ մեր ցանացած հայրենակիցներից կպատժեր նրան, ով վիրավորել է Ադրբեջանի դրոշը...
Ադրբեջանում կարծում են, թե Գուրգեն Մարգարյանի սպանության գործով ՄԻԵԴ որոշումը չի պարտավորեցնում Բաքվին
Մեկնաբանելով «Մակուչյանն ու Մինասյանն ընդդեմ Ադրբեջանի եւ Հունգարիայի» գործով Մարդու իրավունքների եվրոպական դատարանի որոշումը՝ Ասկերովը հայտարարել է, որ...
Ապացուցված է Բաքվի խտրական քաղաքականությունը հայերի նկատմամբ. «Իմ Քայլը» դաշինքի պատգամավոր
Ըստ Համազասպ Դանիելյանի՝ տարիներ անց արձանագրվեց, որ Ադրբեջանն իր սպայի ձեռքով ոչ միայն խախտել է մարդու իրավունքները, այլ ապացուցվեց նաեւ Բաքվի խտրական քաղաքականությունը հայերի նկատմամբ...
Իրավաբան. Գուրգեն Մարգարյանի գործով ՄԻԵԴ որոշումը հաստատեց Ադրբեջանի հայատյաց քաղաքականությունը
«Ցավոք, չի հաստատվել Հունգարիայի կողմից խախտումների փաստը...
ՄԻԵԴ-ը որոշում է կայացրել հայ սպա Գուրգեն Մարգարյանի սպանության գործով. Ադրբեջանը խախտել է Կոնվենցիան
Դատարանը միաձայն որոշում է կայացրել, որ Ադրբեջանը պետք է որպես փոխհատուցում 15 143.33 ֆունտ ստեռլինգ վճարի հայցվորներին ծախսերի համար...
ՄԻԵԴ-ը որոշում կկայացնի Ռամիլ Սաֆարովի կողմից՝ 2004 թվականին հայ սպայի սպանության գործով
Դիմումատուները Հայաստանի երկու քաղաքացի Հայկ Մակուչյանը եւ այժմ արդեն հանգուցյալ Սամվել Մինասյանն են...