Երկու ամսից ավելի դատական նիստերը չեն կայացել մեկ անձի պատճառով, դա կրկին Աննա Դանիբեկյանն է։ Այս մասին այսօր` մայիսի 26-ին լրագրողների հետ զրույցում ասաց ՀՀ երկրորդ նախագահ Ռոբերտ Քոչարյանի փաստաբան Արամ Վադևանյանը` անդրադառնալով անընդհատ հետաձգվող դատական նիստերին։
«Խնդրեք դատախազներին պարզաբանեն, թե մեր պատճառով քանի՞ դատական նիստ չի կայացել»,– նշեց փաստաբանը:
Խոսելով Ռոբերտ Քոչարյանի առողջական վիճակի մասին` փաստաbանը նշեց, որ հերթական վիրահատությունն է տեղի ունեցել մի քանի օր առաջ, և այս պահին na գտնվում է հետվիրահատական շրջանում:
«Ցավալիորեն պետք է ընդգծեմ, որ իմ գործընկերներից Կարեն Մեջլումյանի կնոջ, սույն գործով պաշտպան ներգրավված Ինեսա Պետրոսյանի մոտ կորոնավիրուսային վարակ է հաստատվել, ես առողջություն եմ ցանկանում իրեն, բայց սա ևս մեկ անգամ ցույց է տալիս, որ փաստաբանների կողմից իրենց գործունեությունը իրականացնելով այս ժամանակահատվածում, մենք զերծ չենք ռիսկերից:
Կարծում եմ այդպիսի ռիսկերի կանխարգելման համար էր, որ Խոշտագումների կանխարգելման կոմիտեն հորդորել էր դեռ մարտ ամսին վերանայել խափանման միջոցների հարցը: Պատահական չէ, քանի որ եթե խափանման միջոցների հարցը վերանայված է լինում, դա ավելի ապահով դատական նիստեր անցկացնելու հնարավորություն է ընձեռում։
«Փաստացի մենք նախորդ դատական նիստին տեսանք, որ Կարեն Մեջլումյանը եկել էր, և այս պայմաններում ենք մեր գործունեությունը իրականացնում: Եթե նկատեցիք, այսօր գրեթե բոլոր պաշտպանները ներկայացել էին, իսկ մյուս կողմից միայն դատախազն էր ներակայացել: Այդ ինչպե՞ս է ստացվում, որ ես կարող եմ ներկայանալ դատական նիստին, իսկ իրենք չեն կարող ներկայանալ:
Մյուս կողմից ես հասկանում եմ, որ մենք ունենք արտակարգ իրավիճակ, ամեն օր ունենք եռանիշ թվեր կորոնավիրուսի վարակվածության, և այս դատական նիստին ներկա է լինում 30-ից ավելի մարդ, իսկ այդ իրավիճակի պատասխանատուն տիկին Աննա Դանիբեկյանն է, իսկ ինչ վերաբերում է դատական նիստերի ձգձգելուն, կրկին ցանկանում եմ հիշեցնել, որ երկու ամսից ավելի դատական նիստերը չեն կայացել մեկ անձի պատճառով, դա կրկին Աննա Դանիբեկյանն է: Խնդրեք դատախազներին պարզաբանեն, թե մեր պատճառով քանի դատական նիստ չի կայացել»,- ասել է Վարդևանյանը:
Փաստաբանի խոսքով՝ Դանիելյան Արմենը ՀՀ-ում այն բացառիկ դատավորն է Վերաքննիչ դատարանի՝ 18 դատավորներից, որ մեկ տարվա ընթացքում 2 անգամ Ռոբերտ Քոչարյանի խափանման միջոցը անձնական երաշխավորության միջոցով փոխելու որոշումը պետք է քննության առարկա դարձնի:
«Եթե ՀՀ-ում կա մեկը, որ սա կարող է դիտարկել պատահականություն, ես իսկապես կուզեմ այդ մարդու հետ խոսել, որ ես էլ հասկանամ ո՞նց կարող է նման պատահականություն լինել։ Արմեն Դանիելյանը չի կարող արդադատություն կամ դատարան լինել Ռոբերտ Քոչարյանի գործով»,– ասաց նա:
Նրա խոսքով՝ Հայաստանի 4 վարչապետերի ներկայացրած միջնորդությունը Աննա Դանիբեկյանի կողմից դատական ակտում անգամ չի էլ վերլուծվել. «Սա է արդարադատության մակարդակը»:
