News
Լրահոս
News
Ուրբաթ
Մարտ 29
Տեսնել լրահոսը

«Հրապարակ» թերթը գրում է. «ԱԺ կրթության, գիտության , մշակույթի ե ւ սպորտի մշտական հանձնաժողովում ԿԳՄՍ փոխնախարար Գրիշա Թամրազյանի եւ ԲՈԿ նախկին նախագահ Սմբատ Գոգյանի նախօրեի «առերեսումն» անցել է բավականին բուռն մթնոլորտում։

Հանձնաժողովի նախագահ Մխիթար Հայրապետյանը, ով նախարար Արայիկ Հարությունյանի գլխավոր մրցակիցն է, եւ նրանց ջրերը մի առվով չեն հոսում, իմքայլական պատգամավորների հետ նեղն է գցել փոխնախարարին, ով, ի դեպ, խոստովանել է, որ Գոգյանի հետ հանդիպումն ինքն է նախաձեռնել, սակայն ասել է, թե դա «տղայական ռազբորկա» չի եղել, ինչպես մամուլն է ներկայացրել։

ԱԺ հանձնաժողովականները դուրս են եկել Գոգյան-Թամրազյան հակամարտության շրջանակից եւ նախարարության ներկայացուցչին մեղադրանքներ առաջադրել իրավիճակին չտիրապետելու եւ ոլորտը բախտի քմահաճույքին թողնելու համար։

Ուշագրավ է, որ նախապես Մխիթար Հայրապետյանը հայտարարել էր, թե հանձնաժողովի արտահերթ նիստը դռնբաց է լինելու, բայց նիստից ժամեր առաջ, ըստ որոշ տեղեկությունների, նախարար Հարությունյանի ջանքերով որոշել էին այն փակ անցկացնել, որպեսզի ծածկադմփոց անեն նախարարությունում տիրող թայֆայական մթնոլորտը եւ հովանավորչությունը Տնտեսագիտական համալսարանի ռեկտորի տեղապահ Դիանա Գալոյանի նկատմամբ, որի ատենախոսությունը Գոգյանն արտագրված է համարում։

Հանձնաժողովի անդամ, իմքայլական պատգամավոր Արսեն Ջուլֆալակյանը, որը մասնակցել է դռնփակ նիստին, երեկ լրագրողների հետ զրույցում ասաց, որ, իհարկե, կուզենար՝ նիստն անցկացվեր դռնբաց, ու հանրությանը հուզող պատասխանները մարդիկ իմանային. «Ընթացքում պարոն փոխնախարարն իր ելույթի մեջ այնպիսի հարցեր շոշափեց սպորտի մասին, որ չեմ կարող չանդրադառնալ, դրանք փակ էլ չեն: Խոսվեց աշխատանքի թափանցիկության մասին: Սպորտը համակարգում է կես տարուց ավելի եւ ոչ մի անգամ մամուլի ասուլիս չէր տվել: Պետք է հաշվետվողականություն լինի, ու եթե չկա ասուլիս, պարզ է, որ կա զրո հաշվետվողականություն»:

Առավել մանրամասն՝ թերթի այսօրվա համարում

Տպել
Կարդացեք նաև
Ամբողջը
«Միասին» շարժումը կոչ է անում ԱԺ ուժերին Փաշինյանին անվստահություն հայտնելու ԱԺ որոշման նախագիծ ներկայացնել
ՀՀ նշյալ օրենքների պահանջով նա պետք է իրականացներ բացառապես այդ ծրագրի շրջանակներում տեղավորվող ներքին և արտաքին քաղաքական ուղեգիծ…
«Փաստ». Պատվավոր հյուպատոսների ավտոմեքենաներին հատկացվելու են «H» տառը պարունակող կարմիր հիմնագույնի համարանիշեր
Որոշման 2-րդ հավելվածի 28-29-րդ կետերի համաձայն՝ ՀՀ-ում հավատարմագրված դիվանագիտական...
«Հրապարակ». ՔՊ-ականներն այլեւս առաջվանը չեն. նրանց սիրտը վախ է ընկել
Ընդ որում՝ տուժողներն առաջին հերթին իրենք են լինելու, ոչ թե իշխանության վերին էշելոնի ներկայացուցիչները...
«Փաստ». Հասարակության վրա փորձում է վախ ծախել
Այ, գնաց Գյումրի, երկարաշունչ ելույթ ունեցավ իր կուսակցության «նախաձեռնող խմբի» հետ հանդիպման...
«Հրապարակ». Փաշինյանը զարմացել է, որ ժողովուրդն այսքան տարի իրենց հանդուրժում է
ՔՊ-ում տարբեր մեկնաբանություններ են տվել այդ արտահայտությանը, որ երեւի նկատի ունի այն, որ հեղափոխական...
«Ժողովուրդ».«Ամիօ բանկ»-ը վերաբրենդավորումից հետո սկսել է ֆիզիկական և իրավաբանական անձանց հարկադիր սնանկացման գործընթաց
«Ժողովուրդ» օրաթերթը դատական տեղեկատվական համակարգից տեղեկացավ, որ նոր անվանափոխված «Ամիօ»...
Ամենաշատ