News
Լրահոս
News
Երեքշաբթի
Օգոստոս 11
USD
485.23
EUR
570.68
RUB
6.59
ME-USD
0.02
Տեսնել լրահոսը

ՄԻԵԴ-ում Ադրբեջանի ներկայացուցիչ Չինգիզ Ասկերովը կարծում է, թե Գուրգեն Մարգարյանի սպանության գործով ՄԻԵԴ որոշումը չի պարտավորեցնում Բաքվին, հաղորդում է Trend-ը:

Մեկնաբանելով «Մակուչյանն ու Մինասյանն ընդդեմ Ադրբեջանի եւ Հունգարիայի» գործով Մարդու իրավունքների եվրոպական դատարանի որոշումը՝ Ասկերովը հայտարարել է, որ Բուդապեշտում այդ իրադարձությունների մասնակից սպաների հարազատները Ադրբեջանի եւ Հունգարիայի դեմ բողոք են ներկայացրել ՄԻԵԴ:

«Ադրբեջանի եւ Հունգարիայի կառավարությունները մասնակցել են այդ գործընթացին: Տվյալ գործընթացը շարունակվում է արդեն երկար տարիներ, եւ այդ որոշումը սպասելի էր, քանի որ ավելի վաղ Եվրոպական դատարանը առանցքային որոշումներ է ընդունել Եվրոպական կոնվենցիայի 2-րդ եւ 14-րդ հոդվածներով, որոնք նախատեսում են կյանքի իրավունք եւ խտրականության արգելք: Ըստ էության, Եվրոպական դատարանը որոշում է ընդունել իր նախադեպային իրավունքի հիման վրա: Սակայն ես չեմ համաձայնի հայկական կողմի մեկնաբանության հետ: Դա վերաբերում է կյանքի իրավունքի նյութական ասպեկտի խախտման հարցին»,-ասել է նա:

Նա նաեւ նշել է, որ ՄԻԵԴ որոշման գնահատման համար պետք է ուշադրություն դարձնել ՄԻԵԴ-ում Պորտուգալիան ներկայացնող դատավոր Պինտու դե Ալբուկերկեի կարծիքին. «Եթե դիտարկենք նրա հատուկ կարծիքը, ապա կարելի է տեսնել՝ ինչ էր ուզում հայկական կողմը Եվրոպական դատարանի որոշումից: Հայկական կողմն ուզում էր հասնել կյանքի իրավունքի նյութական ասպեկտի հարցում Ադրբեջանին միջազգային-իրավական պատասխանատվության ենթարկելուն: Հունգարիան Սաֆարովին արտահանձնել է Բաքվին, սակայն ՄԻԵԴ-ը պաշտոնական Բուդապեշտի գործողություններում խախտումներ չի գտել: Այլ կերպ ասած՝ Ռամիլ Սաֆարովն արտահանձնվել է օրինական հիմունքներով, եւ Ադրբեջանը Կոնվենցիայի դրույթներին համապատասխան ընդունել է նրան: Սակայն ամենահետաքրքիրը պորտուգալացի դատավորն ասում է ամենավերջում: Նա կարծում է, որ զոհերի համար արդարությունը վերականգնվել է, եւ այդ գործը կփոխանցվի Եվրոպական դատարանի Մեծ Պալատ, եւ դատարանը կգտնի Կոնվենցիայի բոլոր «ցանկալի» խախտումները: Այսինքն՝ ես չէի ասի, թե տվյալ դատավորի կարծիքը ոչ անաչառ է»:

Ադրբեջանի լիազոր ներկայացուցիչը հավելել է, որ ներկայումս վաղաժամ է խոսել քայլերի մասին, որոնք ձեռնարկելու է Ադրբեջանի կառավարությունը. «Որոշումը միայն այսօր է հրապարակվել, եւ Ադրբեջանը 3 ամիս ժամանակ ունի, որ քննարկի գործը Եվրոպական դատարանի Մեծ պալատ փոխանցելու հարցը: Եվ ես ուզում եմ նշել, որ ընդհանուր բնույթի միջոցառումների տեսակետից այս որոշումը ադրբեջանական կողմի վրա ոչ մի պարտավորություն չի դնում: Կան միայն անհատական միջոցառումներ, որոնց համաձայն՝ Ադրբեջանը հայցվորներին կվճարի դատական ծախսերը, այսինքն՝ նրանց փաստաբանների աշխատանքի դիմաց: Որոշման մեջ հաստատված չէ ոչ մի փոխհատուցում, այդ թվում նյութական կամ բարոյական վնասի: Ուստի այս պահին դժվար է ասել՝ հետո ինչ-որ գործողություններ կձեռնարկվե՞ն Եվրոպական դատարանում որոշման բողոքարկման համար»:

«Ես չգիտեմ՝ սա լոբբիստների՞ ձեռքի գործն է, թե՞ Հայաստանի կառավարության, բայց հայցվորին պաշտպանում են այն նույն անձինք, որոնք սովորաբար Ադրբեջանի դեմ բողոքներում հանդես են գալիս Հայաստանի կողմում, նրանք բրիտանացի փաստաբաններ են: Հայկական կողմն, իհարկե, հետագայում այս որոշման լոբբինգ կանի, որպեսզի որեւիցե եվրոպական քաղաքական շրջանակում դա ինչ-որ կերպ օգտագործի Ադրբեջանի դեմ: Բայց ես եւս մեկ անգամ կցանկանայի նշել, որ այս որոշումը Ադրբեջանի վրա ոչ մի միջազգային-իրավական պարտավորություն չի դնում»,- հայտարարել է Ասկերովը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Բաքվին օտար է չափի զգացողությունը. «ռամիլ սաֆարովն Ադրբեջանի արժանի որդին է»
«Ռամիլ սաֆարովն Ադրբեջանի արժանի որդին է, իսկ մեր ցանացած հայրենակիցներից կպատժեր նրան, ով վիրավորել է Ադրբեջանի դրոշը...
«Նյուրնբերգյան համաժողով» է անհրաժեշտ Ադրբեջանի կողմից կատարված հանցագործությունները հետաքննելու համար. Ստեփանակերտ
«Երկրորդ քայլ է անհրաժեշտ՝ որոշումը տեղափոխել իրավական եւ քաղաքական հարթություն...
Ապացուցված է Բաքվի խտրական քաղաքականությունը հայերի նկատմամբ. «Իմ Քայլը» դաշինքի պատգամավոր
Ըստ Համազասպ Դանիելյանի՝ տարիներ անց արձանագրվեց, որ Ադրբեջանն իր սպայի ձեռքով ոչ միայն խախտել է մարդու իրավունքները, այլ ապացուցվեց նաեւ Բաքվի խտրական քաղաքականությունը հայերի նկատմամբ...
Իրավաբան. Գուրգեն Մարգարյանի գործով ՄԻԵԴ որոշումը հաստատեց Ադրբեջանի հայատյաց քաղաքականությունը
«Ցավոք, չի հաստատվել Հունգարիայի կողմից խախտումների փաստը...
ՄԻԵԴ-ը որոշում է կայացրել հայ սպա Գուրգեն Մարգարյանի սպանության գործով. Ադրբեջանը խախտել է Կոնվենցիան
Դատարանը միաձայն որոշում է կայացրել, որ Ադրբեջանը պետք է որպես փոխհատուցում 15 143.33 ֆունտ ստեռլինգ վճարի հայցվորներին ծախսերի համար...
ՄԻԵԴ-ը որոշում կկայացնի Ռամիլ Սաֆարովի կողմից՝ 2004 թվականին հայ սպայի սպանության գործով
Դիմումատուները Հայաստանի երկու քաղաքացի Հայկ Մակուչյանը եւ այժմ արդեն հանգուցյալ Սամվել Մինասյանն են...
Ամենաշատ