Իշխանություններն ամեն կերպ խուսափում են իրենց իսկ հանրաքվեի անցկացումից: Այս մասին այսօր՝ մայիսի 27-ին, ԱԺ նիստում «Հանրաքվեի մասին» օրենքում փոփոխություններ եւ լրացումներ կատարելու մասին օրինագծի քննարկման ընթացքում հայտարարեց «Բարգավաճ Հայաստանի» պատգամավոր Նաիրա Զոհրաբյանը:
Նրա խոսքով՝ երկրում լարված սոցիալական իրավիճակ է տիրում: «Ինչո՞ւ են իշխանությունները վախենում հանրաքվե անցկացնել: Ամենայն հավանականությամբ, նրանք վստահ չեն արդյունքների եւ իրենց նկատմամբ բնակչության վստահության վրա»,-նշեց Զոհրաբյանը: