Տվյալ օրենսդրական նախաձեռնությունը սահմանում է քաղաքացիների իրավունքները, որոնք հոգեկան խնդիրներ ունեն: Այս մասին այսօր ԱԺ նիստում «Հոգեբուժական օգնության մասին» օրենքում եւ հարակից օրենքներում փոփոխություն կատարելու մասին օրինագծերի փաթեթ քննարկման ընթացքում հայտարարեց առողջապահության փոխնախարար Անահիտ Ավանեսյանը:
Նա նշեց, որ գործող օրենքն ընդունվել է 2004 թվականին, եւ այն այլեւս չի համապատասխանում ընթացիկ պահանջներին:
«Մի շարք հարցեր հանվել են գործող օրենքից, ինչը լուրջ խոչընդոտներ է ստեղծում հոգեկան խնդիրներ ունեցող անձանց պաշտպանության համար»,-նշեց փոխնախարարը: