ՌԴ նախագահ Վլադիմիր Պուտինը եւ Սաուդյան Արաբիայի գահաժառանգ արքայազն Մուհամմեդ Բեն Սալմանը քննարկել են իրավիճակը էներգակիրների համաշխարհային շուկայում։
Ինչպես հայտնում է Կրեմլի մամուլի ծառայությունը, երկուստեք նշվել է նավթի արդյունահանումը սահմանափակելու վերաբերյալ 2020թ․ ապրիլին ՕՊԵԿ+ ձեւաչափով պայմանավորվածությունների իրականացման համար համատեղ ջանքերի կարեւորությունը: Կողմերը պայմանավորվել են էներգետիկայի նախարարությունների մակարդակով այս հարցի շուրջ հետագա սերտ համագործակցության մասին:
Արծարծվել են երկկողմ համագործակցության մի շարք արդիական թեմաներ՝ 2019թ․ հոկտեմբերին Էր Ռիադ Ռուսաստանի նախագահի այցի արդյունքների համատեքստում:
