News
Լրահոս
News
Երկուշաբթի
Հուլիս 06
USD
484.35
EUR
547.07
RUB
6.74
ME-USD
0.02
Տեսնել լրահոսը

Իմ քայլը դիակապտությամբ է զբաղված։ Այս մասին այսօր՝ մայիսի 27-ին, ֆեյսբուքյան իր էջում գրել է հրապարակախոս Վահան Իշխանյանը։ Նա մասնավորապես նշել է․

«Դիակապտությունը պատերազմի ժամանակ թալանով զբաղվելն է maraudeur , ռուսերեն էլ Мародёрство։ հայերեն դիակապուտ նշանակում է դիակը թալանող։ Սակայն լայն իմաստով դիակապտություն է բոլոր աղետների՝ պատերազմների, համաճարակի, երկրաշարժի, դժբախտ պատահարների ժամանակ ողբերգությունը որպես առիթ օգտագործելով թալանով զբաղվելը։ Աղետի ժամանակ, երբ հանրության ուշադրությունը միմյանց օգնելով ու համախմբվելով աղետն հաղթահարելն է, հայտնվում են մարադյորները ու սկսում թալանը։ Դիակապուտները հասարակության այն խավն են, որ մի կողմից չունենալով էթիկա, ապրումակցելու զգացողություն անհանգստացած չեն աղետի պատճառած ավերներով ու ողբերգություններով, մյուս կողմից էլ այնքան տգետ են, որ չեն պատկերացնում, որ աղետը հենց այն է որ իրենց էլ է խփելու։

Դիակապուտը գող չի, գողը որոշակի մասնագիտություն է, հմտություններ պետք է ունենա որ այնպես գողություն անի որ ոչ ոք չնկատի, գողերն էլ են աղետի ժամանակ համախմբվում մյուս խավերի հետ, որ աղետը հաղթահարեն։ Իսկ դիակապուտը հմտության կարիք չունի, նրան միայն հանգամանքներ են պետք, աղետ, երբ մարդկանց միտքը զբաղված է միայն կյանքերով ու աղետը հաղթահարելու խնդիրներով, նա հնարավորություն ստանա ավարը տանել ափաշքյարա, բոլորի աչքի առաջ։

Հայաստանի այս աղետալի վիճակում, երբ կորոնավիրուսի համաճարակը արդեն օրական տասից ավել կյանք է տանում, միայն այսօր 12 հոգի է մահացել, և հարյուրավորները վարակվում են, վարակման տեմպերով աշխարհում առաջինների շարքում է հայտնվում, Ազգային ժողովի իմ քայլը խմբակցությունը Սահմանդրական դատրանը իրենով անելով է զբաղված, օրենքներ է ուզում անցկացնել որ մի կողմից ՍԴ դատավորներին հեռացնելու ձախողված հանրաքվեի նախագիծը չեղարկի, մյուս կողմից իրենց ձեռքով ՍԴ դատավորների հարցերը լուծելու օրենք ընդունի։ Գումարած իշխանության կողմից իրենց հակառակորդների նկատմամբ հետևողական քաղաքական հետապնդումները, կստանանք տիպիկ դիակապտություն՝ համաճարակի ժամանակ։

Ցավալին այն չի որ հասարակության մեջ դիակապտություն կա, բոլոր հասարակությունների մեջ էլ կգտնվեն դիակապուտներ, ցավալին ու անհանգստացնողն այն է որ դիակապտությամբ զբաղվում են երկրի ղեկավարները, նրանք ովքեր ի պաշտոնե կոչված են աղետի դեմ պայքարել, բայց աղետը թողած դիակապտությամբ են զբաղված»։

 

 

 

 

 

 

Տպել
Ամենաշատ