News
Լրահոս
News
Երկուշաբթի
Հուլիս 06
USD
484.35
EUR
547.07
RUB
6.74
ME-USD
0.02
Տեսնել լրահոսը

«COVID-19 Հայաստան» Փաստահավաք խումբը տարածել է հայտարարություն, որում ասվում է.

«Երեկ՝ մայիսի 26-ին, ՀՀ վարչապետ Նիկոլ Փաշինյանը ճեպազրույցի ժամանակ հայտարարեց․ «Ըստ էության, մենք կարող ենք արձանագրել, ցավոք սրտի, որ նոր տեսակի կորոնավիրուսի համաճարակի վերաբերյալ երկրում հաստատված է բավականին ծանր իրավիճակ։ Ըստ էության կարող ենք ասել, որ կորոնավիրուսի երկրորդ ալիքի հետ գործ ունենք»։

«COVID-19 Հայաստան» Փաստահավաք խումբն արձանագրում է, որ վարչապետ Նիկոլ Փաշինյանը սույն պնդումն անելիս ապատեղակատվություն է տարածել՝ մոլորության մեջ գցելով հանրությանը։

Ներկայացնում ենք նոր կորոնավիրուսային համավարակի ալիքի զարգացման չորս հիմնական փուլերը․

Առաջին փուլը զրոյական փուլն է՝ զրոյական հիվանդի առկայությունը, որը Հայաստանում եղել է 2020 թվականի փետրվարի 28-ին, ինչի մասին գրառում կատարեց ՀՀ վարչապետ Նիկոլ Փաշինյանը՝ տեղեկացնելով, որ կորոնավիրուս է հաստատվել Իրանից ժամանած քաղաքացու մոտ։ Առաջին փուլում հնարավոր է հայտնաբերել և նույնականացնել տարածման շղթաները։ Երկրորդ փուլը համավարակի «պայթյունն» է, որի ժամանակ էքսպոնենցիալ կերպով դեպի վեր է աճում հիվանդացության կորը և հասնում իր առավելագույն պիկին։ Այս փուլում կորում է վարակի տարածման և շղթաների հայտնաբերման հնարավորությունը:

Երրորդ փուլը կորի թեքումն է , երբ պետության կողմից ճիշտ մշակված և իրականացված քաղաքականության շնորհիվ հիվանդացությունը սկսում է նվազել և հիվանդացության կորը դառնում է հորիզոնական: Այս փուլում հնարավոր է վարակի տարածումը վերցնել հսկողության տակ՝ գրագետ բուժօգնություն ցուցաբերելու պարագայում: Վերջին՝ չորրորդ փուլը համավարակի կանգն է, որը կարող է տևել ամիսներ։ Այս փուլում հիվանդացության կորը չի իջնում, այն ընդամենը դառնում է հորիզոնական և կարող է տևական ժամանակ այդ ցուցանիշը պահպանվել:

Որոշ ժամանակ հետո համավարակի կորը սկսում է նվազել և այդ պարագայում նոր կարելի է հայտարարել, որ համավարակի առաջին ալիքը հաղթահարված է:

Հայաստանն այժմ գտնվում է համավարակի տարածման առաջին ալիքի երկրորդ փուլում, որի պիկին դեռևս մենք չենք էլ հասել։ Մինչև կորոնավիրուսի տարածման երկրորդ ալիքին հասնելը Հայաստանը դեռ պետք է հաղթահարի կորոնավիրուսի տարածման առաջին ալիքի երրորդ և չորրորդ փուլերը։

«COVID-19 Հայաստան» Փաստահավաք խումբը հերթական անգամ փաստում է, որ կառավարությունը՝ Նիկոլ Փաշինյանի գլխավորությամբ, ամբողջովին տապալել է նոր կորոնավիրուսի համավարակի տարածման դեմ պայքարի գործընթացը և այժմ, հասարակությանը մոլորեցնելով, փորձում է ստեղծել տպավորություն, որ աշխատանք է տարվում՝ նպատակ ունենալով կոծկել իր կողմից թույլ տրված լրջագույն սխալները, բացթողումները, անպատասխանատու, անլուրջ գործողություններն ու հանցավոր անգործությունը»:

 

 

Տպել
Կարդացեք նաև
Ամբողջը
Հասկանո՞ւմ եք, չէ՞,թե ինչ խառն են «վերեւներում». Արման Աբովյանը՝ դիմակ չկրելու համար տուգանքների բարձրացման մասին
Տեղեկացնեմ Ձեզ, որ իշխանությունների կողմից ԱԺ շրջանառության է դրվել է մի օրենսդրական նախագիծ,որը կտրուկ ավելացնում է տույժ- տուգանքները դիմակ չկրելու համար…
Քաղաքացիները տուգանքի մատերիալ չեն. Անի Սամսոնյանը՝ դիմակ չկրելու համար տուգանքների բարձրացման մասին
Այն դեպքում երբ մարդկանց տնտեսական վիճակը վատթարացել է եւ իշխանությունն էլ իր սոցիալական ծրագրերով չկարողացավ բավարարել բոլոր շերտերի քաղաքացիների սոցիալական պահանջները եւ արդեն կան ընտանիքներ…
Իջեւանում կորոնավիրուսով վարակված կինը կենցաղային պատճառներով տնից դուրս էր եկել. կազմվել է արձանագրություն
Մեկուսացման կամ ինքնամեկուսացման կանոնների խախտումը օրենքով նախատեսված դեպքերում առաջացնում է նաեւ քրեաիրավական հետեւանքներ…
Եվրագոտում ներդրողների տրամադրվածությունը լավացել է, սակայն պանդեմիայից հետո վերականգնումը կարող է սպառել իրեն
Եվրագոտում Sentix-ի ներդրողների վստահության ինդեքսը բարձրացել է մինչեւ մինուս 18,2 կետ...
20. 000 դրամ՝ դրսում, 50.000 դրամ՝ ներսում դիմակ չկրելու համար. «Իմ քայլն» առաջարկում է բարձրացնել տուգանքները
Իշխող «Իմ քայլը» խմբակցությունը շրջանառության մեջ է դրել «Վարչական իրավախախտումների վերաբերյալ Հայաստանի Հանրապետության օրենսգրքում...
Քանի՞ աշխատատեղ է փակվել Հայաստանում կորոնավիրուսի ընթացքում. վարչապետի հրապարակած հակասական ցուցանիշերի հետքերով
Հայաստանում կորոնավիրուսի համավարակի տարածումից ի վեր ամենից շատ աշխատատեղեր փակվել են ապրիլին...
Ամենաշատ