News
Լրահոս
News
Երեքշաբթի
Մարտ 19
Տեսնել լրահոսը

Միացյալ Նահանգները կշարունակի Իրանի վրա տնտեսական ճնշման եւ նրա «դիվանագիտական մեկուսացման» արշավը: Այս մասին հեռախոսային ճեպազրույցի ժամանակ հայտնել է ԱՄՆ Իրանի հարցով հատուկ ներկայացուցիչ Բրայան Հուկը: Զրույցի սղագրությունը տարածել է ԱՄՆ Պետքարտուղարության մամուլի ծառայությունը, փոխանցում է ՏԱՍՍ-ը: 

«Նախագահ Դոնալդ Թրամփի առավելագույն ճնշում ցուցաբերելու արշավը զսպել է Իրանին եւ աննախադեպ մեթոդներով նրան հակազդել: Մենք կրոնական ղեկավարությանը զրկել ենք ահռելի միջոցներից»,- պնդել է Հուկը: Նրա կարծիքով՝ իրանական ղեկավարությունը կանգնած է ընտրության առջեւ՝ «[ԱՄՆ-ի հետ] բանակցություններ վարել կամ լուծել տնտեսական կոլապսը»:

Հատուկ ներկայացուցիչը նաեւ ենթադրել է, որ իրանական տնտեսությունն իբր «խոր անկման» վիճակում է, իսկ արտասահմանյան պահուստներին հասանելիությունը նվազագույն է: «ԱՄՆ-ն հաջողությամբ շարունակում է առավելագույն տնտեսական ճնշման ցուցաբերման եւ դիվանագիտական մեկուսացման ռազմավարությունը»,- ասել է նա:

ԱՄՆ պետքարտուղար Մայքլ Պոմպեոն չորեքշաբթի հայտնել էր, որ Վաշինգտոնը որոշել է դադարեցնել պատժամիջոցների ռեժիմից ժամանակավոր բացառությունները, որոնք Թեհրանին թույլ են տալիս ԳՀՀԾ անդամ երկրներից օգնություն ստանալ ատոմի խաղաղ յուրացման ոլորտում:

Չեղարկված բացառությունները Ռուսաստանի, Չինաստանի եւ եվրոպական երկրների ընկերություններին թույլ էին տալիս շարունակել Իրանի միջուկային օբյեկտներում ատոմային էներգետիկայի խաղաղ օգտագործման գործունեությունը՝ չվտանգվելով հայտնվել ամերիկյան սահմանափակող միջոցառումների գործողության տակ: Սա ուղիղ կերպով առնչվում է Արաքում ծանր ջրով աշխատող ռեակտորին, որը Իրանը ԳՀՀԾ-ի շրջանակում մյուս երկրների աջակցությամբ պետք է վերակառուցեր խաղաղ նպատակներով միջուկային հետազոտությունների անցկացման համար, ինչպես նաեւ Թեհրանում հետազոտական ռեակտորը հարստացված ուրանով ապահովելուն, Իրանից մշակված վառելիքի դուրսբերմանը:

ԱՄՆ վարչակազմը միջազգային ընկերություններին 60 օր է հատկացրել այս օբյեկտներին առնչվող գործունեության դադարեցման համար:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Իրանը պատժամիջոցներ է սահմանել ԱՄՆ 51 քաղաքացու նկատմամբ
«Պատժամիջոցների ցանկում նշված անձինք մասնակցել են Սուլեյմանիի դեմ ահաբեկչական գործողության հետ կապված որոշումների կայացմանը, պլանավորմանը, կազմակերպմանը, ֆինանսավորմանը, աջակցությանը, ինչպես նաեւ ղեկավարմանը կամ իրականացմանը...
Իրանն ԱՄՆ 20 քաղաքացու ներառել է մարդու իրավունքների խախտման համար պատժամիջոցների ցուցակում
Ղարիբ Աբադիի խոսքով՝ «այս ցանկում ընդգրկված են ավելի քան 20 ֆիզիկական եւ իրավաբանական անձինք»․․․
ԶԼՄ. Իրանը կկազմի իր պատժամիջոցային ցուցակը ԱՄՆ ընկերությունների եւ քաղաքացիների համար
Նրա խոսքով՝ «ԱՄՆ-ի հակաիրանական պատժամիջոցների քաղաքականությունը եւ Իրանի վրա առավելագույն ճնշում գործադրելը ձախողված է»․․․
ԱՄՆ-ը վաճառել է Իրանից առգրաված 26,7 մլն դոլարի նավթը
Իրանական նավթն առգրավվել էր ամերիկյան նավատորմի կողմից Արաբական ծովում...
Բենի Հանցը կարծում է, որ ԱՄՆ-ը կաջակցի Իսրայելին Իրանի վրա հարձակման դեպքում
«Մենք պետք է պատրաստ լինենք Իսրայել պետությանը պաշտպանելու յուրաքանչյուր հնարավորության։ Մենք հնարավորություններ ենք զարգացնում, եւ պետք է շարունակենք ամրապնդել դրանք»,-ասել է Հանցը․․․
ԱՄՆ-ն Իրանին ծովում դեէսկալացման կոչ է արել
«ԻՊԿ-ի ոչ անվտանգ եւ ոչ պրոֆեսիոնալ գործունեությունը ծովում նորություն չէ...
Ամենաշատ