Լոս Անջելեսում եւ Ինդիանապոլիսում Կալիֆորնիայի համալսարանի ղեկավարած հետազոտական խումբն կենցաղային բռնության դեպքերի թվի աճ է հայտնաբերել, քանի որ մարտին տանը մնալու սահմանափակում էր հայտարարվել COVID-19-ի համավարակի պատճառով, հայտնում է Medheal- ը:
Գիտնականները կանխատեսում են, որ վարակման դեպքերը պետք է աստիճանաբար նվազեն, քանի որ մարդիկ վերադառնում են իրենց սովորական ռեժիմին, բայց, ամենայն հավանականությամբ, կրկին կավելանան, եթե COVID-19-ի երկրորդ ալիք սկսվի, ինչը կրկին կստիպի տանը մնալ: Նրանց ուսումնասիրությունը հրապարակվել է քրեական արդարադատության գրախոսվող ամսագրում:
«Տանը մնալու պահանջը, ամենայն հավանականությամբ, կմեծացնի կենցաղային բռնության կամ զուգընկերոջ կողմից բռնության դեպքերի թիվը, ինչը ծաղկում է ապրում փակ դռների ներսում,- նշել է Լոս Անջելեսի Կալիֆորնիայի համալսարանի մարդաբանության պրոֆեսոր Ջեֆրի Բրենթինգհեմ:- Լոս Անջելեսում եւ Ինդիանապոլիսում COVID-19-ի համավարակի ընթացքում արդեն ընտանեկան բռնության մասին ոստիկանություն ստացված հաղորդումների զգալի աճ էր նկատվում, եւ մենք գիտենք, որ բռնությունն ընտանիքում այն հանցագործություններից է, որոնց կապակցությամբ ամենաքիչն են դիմում ոստիկանություն».
Հետազոտողները վերլուծել են ոստիկանություն ստացված հաղորդումները Լոս Անջելեսում եւ Ինդիանապոլիսում՝ եւ համավարակի ընթացքում, եւ դրանից առաջ: Մարտի 20-ին Լոս Անջելեսում ներդրվել էր «Տանն ավելի ապահով է» կանոնը, եւ մարտի 24-ին համանման կանոններ էին հայտարարվել նաեւ Ինդիանապոլիսում: Երկու քաղաքներում էլ դպրոցները, ռեստորաններն ու բարերը փակվել էին:
Հետազոտողները վերլուծել են նաեւ հաղորդված հանցագործությունների վիճակագրությունը՝ տարբեր տվյալներ, որոնք ցույց են տալիս, որ ոստիկանությունը հետաքննել է ենթադրյալ հանցագործությունը՝ մինչեւ ապրիլի 10-ը՝ Լոս Անջելեսում եւ ապրիլի 18-ը՝ Ինդիանապոլիսում:
Հետազոտողները հայտնում են, որ երկու քաղաքներում էլ «տանը մնալու» քաղաքականությունից հետո ընտանեկան բռնության պատճառով օգնության հասնելու խնդրանքների թվի կտրուկ աճ է գրանցվել: Եթե տանը բնակության կանոնները վերականգնվեն, հետազոտողները ակնկալում են, որ սպասարկման համար դիմումների քանակը բարձր կմնա, քանի դեռ այդ կանոնները գործում են:
Համեմատության համար նշենք, որ արձանագրված կողոպուտների քանակը զգալիորեն կրճատվել է Լոս Անջելեսում եի համեմատաբար կայուն է մնացել Ինդիանապոլիսում: Ավտոմեքենաների առեւանգումը չափավոր բարձր է եղել Լոս Անջելեսում, սակայն չի փոփոխվել Ինդիանապոլիսում: