Հյուսիսային Իտալիայում Վերոնա քաղաքից ոչ հեռու խաղողի այգու տակ հայտնաբերվել է փաստացի անվնաս մնացած Հռոմեական խճանկար, փոխանցում է «Պոպուլյարնա մեխանիկան»:
Խճանկարը նախնական թվագրվում է մեր թվականության 3-րդ դարով, եւ կարծիք կա, որ եղել է ավելի վաղ՝ 1922 թվականին գտնված վիլլայի համալիրի մասը: Այս վայրը լքված էր մնացել այնքան ժամանակ, մինչեւ Վերոնայի հնագետները գրեթե 100 տարի անց վերականգնել են պեղումները:
Խճանկարն օգտագործվել է որպես հատակի ու պատերի զարդարանք եւ ամբողջ հին հռոմեական աշխարհում անչափ տարածված էր: Դրանք ավանդաբար պատրաստվում էին մանր կտրատած քարերի խորանարդներով կամ բազմագույն ապակե էմալով:
Հնագետները այն գտել են հռոմեական վիլլան փնտրելիս խրամատները պեղելու ժամանակ խաղողի այգու տակ: Հիմա գիտնականները հույս ունեն, որ ամբողջ խճանկարային հատակը դեռեւս անխաթար է մնացել:
