News
Լրահոս
News
Շաբաթ
Հուլիս 11
USD
486.73
EUR
549.62
RUB
6.84
ME-USD
0.02
Տեսնել լրահոսը

Տարածքային կառավարման և ենթակառուցվածքների  նախարար Սուրեն Պապիկյանը և ԱՄՆ միջազգային զարգացման գործակալության տնօրեն Դեբորա Գրիզերն  այսօր հեռավար հանդիպում են ունեցել՝ քննարկելու ՏԿԵ նախարարության և ԱՄՆ ՄԶԳ համագործակցությամբ Հայաստանի վարչատարածքային բարեփոխումների գործընթացում արձանագրված հաջողությունները և նախանշելու համագործակցության հետագա շրջանակը:

Շնորհակալություն հայտնելով Հայաստանում տեղական ինքնակառավարման բարեփոխումներին ուղղված օժանդակության համար՝ նախարար Պապիկյանը վստահություն է հայտնել, որ նոր կորոնավիրուսի համավարակի պատճառած անհարմարությունները չեն անդրադառնալու երկու երկրների կառավարությունների միջև բարեկամական հարաբերությունների վրա, և համատեղ աշխատանքի արդյունավետությունը չի տուժելու:

Դեբորա Գրիզերը ևս բարձր է գնահատել նախարարության հետ տեղական ժողովրդավարության ամրապնդմանն ուղղված գործընկերային հարուստ փորձը և վերահաստատել համայնքային կարողությունների զարգացման ու ապակենտրոնացված կառավարման գործում ՀՀ կառավարության նախաձեռնություններին աջակցելու պատրաստակամությունը:

Զրույցի ընթացքում նախարար Պապիկյանն անդրադարձել է համայնքների միավորման գործընթացում ՀՀ կառավարության իրականացրած քայլերին և օրենսդրական բարեփոխումներին

«Երկու տարվա ուսումնասիրություններից և եզրահանգումներից հետո  մենք արդեն հրապարակային խոսում ենք համայնքների միավորման արդյունավետության մասին: Պետք է փաստել, որ այսօր ունենք խոշորացված համայնքներ, որոնք տարբեր ուղղություններով դարձել են ինքնաբավ և շնորհիվ իրենց տնտեսական ներուժի պատրաստ են վերցնել կառավարման որոշակի լիազորություններ»,-ընդգծել է Սուրեն Պապիկյանը:

Նախարարը նշել է, որ առաջիկայում Իջևան և Լերմոնտովո խոշորացված համայնքների ձևավորմամբ կտրվի համայնքների միավորման նոր փուլի մեկնարկը: Օրենսդրական բարեփոխումների շրջանակում նախարարը կարևորել է նաև բազմաբնակավայր համայնքներում տեղական ինքնակառավարման մարմինների համամասնական ընտրակարգի ներդրումը, դրա արդյունքում ավագանու դերի մեծացումը և փոխզսպման մեխանիզմի ամրապնդումը:

«ԱՄՆ ՄԶԳ-ն ևս համայնքների միավորման գործընթացի շարունակակությունը համարում է կարևոր խնդիր և նպատակ: Մենք կարծում ենք, որ ապակենտրոնացված և առավել կայացած տեղական ինքնակառավարման շնորհիվ հնարավոր է գյուղական բնակավայրերում ապահովել տնտեսության զարգացման նոր հեռանկարներ:Սա նրանց կդարձնի առավել դիմակայուն, ինչը հատկապես կենսական է COVID-19 ճգնաժամին արձագանքելու տեսանկյունից»,-ասել է Դեբորա Գրիզերը և հավելել, որ համայնքային կարողությունների զարգացմանն աջակցելու հանձնառությունը կշարունակի մնալ ԱՄՆ ՄԶԳ 5-ամյա նոր ռազմավարության պլաններում:

Խոշորացված համայնքների կառավարման առավելությունների թվում նախարարը մատնանշել է աղբահանության իրականացումը, տրանսպորտային ցանցի գործարկումը, գյուղատնտեսական տեխնիկայով վերազինման հնարավորությունը: Սուրեն Պապիկյանը բարձր է գնահատել ԱՄՆ ՄԶԳ երկարամյա ներդրումները միավորված համայնքներում ծառայությունների բարելավման, բնակավայրերի ռեսուրսների հզորացման, տեխնիկական համալրման ուղղությամբ:

«Միավորման գործընթացը կարևոր է առաջին հերթին հենց բնակչի համար: Այն պետք է ընթանա սահուն, քաղաքացիների համար ընկալելի՝ հանրային քննարկումների արդյունքում վերհանելով գործընթացի դրական կողմերը: Լիահույս եմ, որ ձեր գործուն աջակցությամբ տեղական ժողովրդավարության ամրապնդման ճանապարհին կարձանագրենք իրական փոփոխություններ, իսկ համավարակին արձագանքելու արդյունավետ միջոցառումների ձեռնարկմամբ տնտեսական հեռանկարային առաջընթաց»,-ամփոփել է նախարար Պապիկյանը:

Զրուցակիցները վերահաստատել են առկա համագործակցությունը խորացնելու փոխադարձ պատրաստակամությունը:

!
Այս նյութը հասանելի է նաև   English
Տպել
Կարդացեք նաև
Ամբողջը
ՀՀ բարձր տեխնոլոգիական արդյունաբերության նախարարն ԱՄՆ դեսպանի հետ քննարկել է ներդրումների ներգրավման հնարավորությունները
Ողջունելով դեսպանին նախարարն անդրադարձել է Covid-19 համավարակի հետեւանքով Հայաստանում եւ ԱՄՆ-ում ծագած մարտահրավերին եւ հույս հայտնել, որ համատեղ ջանքերով հնարավոր կլինի հաղթահարել ստեղծված իրավիճակը…
ԶԼՄ-ներ. Պետդեպը մասնագետի կվարձի Հայաստանի կառավարությանը կոռուպցիայի դեմ պայքարում օգնելու համար
Դավիթ Տոնոյանը ՀՀ-ում ԱՄՆ դեսպանի հետ քննարկել է պաշտպանության ոլորտում հայ-ամերիկյան համագործակցությունը
Հանդիպման ընթացքում զրուցակիցները մտքեր են փոխանակել նաեւ տարածաշրջանային անվտանգության եւ փոխադարձ հետաքրքրություն ներկայացնող այլ հարցերի շուրջ…
ԱՄՆ-ի Կոնգրեսի հայկական հանձնախմբի անդամները չեն կիսում պետքարտուղարության կարծիքն Ադրբեջանի հարցում
Թեյլորն ընդգծել է, որ ԱՄՆ կարևորում է Ադրբեջանի և Հայաստանի հետ գործընկերության ամրապնդումը...
Հուլիսի 4-ի խորհուրդը վաղուց հատել է բուն ԱՄՆ սահմանները. Նիկոլ Փաշինյանը՝ Դոնալդ Թրամփին
Մենք երախտապարտ ենք Հայաստանում ժողովրդավարական բարեփոխումների նկատմամբ ԱՄՆ ցուցաբերած զորակցության եւ ֆինանսական ու տեխնիկական աջակցության համար...
Արմեն Սարգսյանը դիմել է Դոնալդ Թրամփին
Հայաստանի եւ Միացյալ Նահանգների ամուր գործընկերային հարաբերությունները մշտապես աչքի են ընկել փոխադարձ վստահությամբ եւ դրանք խորացնելու ցանկությամբ…