Մայիսի 28-ին, ժամը 18.30-ին, ոստիկանության Աշտարակի բաժնում հեռախոսներ գողանալու վերաբերյալ ահազանգ էր ստացվել։
Մեկնած օպերատիվ խմբի ծառայողները պարզել են, որ ժամը 14.00-ի սահմաններում անհայտ անձը ահազանգողի տան բակից գողացել է բջջային երկու հեռախոս:
Ձեռնարկված օպերատիվ-հետախուզական և որոնողական աշխատանքների շնորհիվ պարզվել է, որ գողությունը կատարել է Արագածոտնի մարզի Ոսկեվազ գյուղի 19-ամյա բնակիչը, որը ժամը 20.00-ին բերման է ենթարկվել բաժին և տվել խոստովանական բացատրություն։ Նրա անձնական խուզարկությամբ գողացված հեռախոսները հայտնաբերվել են։
Նախապատրաստվում են նյութեր: