News
Լրահոս
News
Շաբաթ
Հուլիս 11
USD
486.73
EUR
549.62
RUB
6.84
ME-USD
0.02
Տեսնել լրահոսը

Ռուսաստանի Դաշնության հետ հարաբերությունների կարգավորման հարցերով Վրաստանի վարչապետի հատուկ ներկայացուցիչ Զուրաբ Աբաշիձեն մտադիր է Պրահայում կայանալիք առաջիկա հանդիպմանը Դաշնության խորհրդի անդամ Գրիգորի Կարասինի հետ քննարկել երկրների միջեւ օդային հաղորդակցության վերականգնման թեման եւ եւս մեկ անգամ նշել, որ Թբիլիսին դրական է վերաբերվում այս հարցում:

«Մեր հանդիպումը մոտավորապես կկայանա օգոստոս-սեպտեմբեր ամիսներին: Ամեն ինչ կախված է համաճարակաբանական իրավիճակից: Սա դեմ առ դեմ հանդիպում կլինի Պրահայում: Ինչպես միշտ, մենք կքննարկենք առեւտրատնտեսական կապերը, տրանսպորտային եւ մարդասիրական հարցեր, - շաբաթ օրը ՏԱՍՍ-ին հայտնել է Աբաշիձեն:- Օդային հաղորդակցման հետ կապված եւս մեկ անգամ նշեմ, որ մեր դիրքորոշումը դրական է: Սակայն օդային հաղորդակցության վերականգնման թեման կախված է Ռուսաստանի դիրքորոշումից եւ համաճարակաբանական իրավիճակից»:

Վրացի դիվանագետը նշել է, որ անցյալ շաբաթ հեռախոսազրույց է ունեցել Կարասինի հետ, որի ընթացքում քննարկվել են իրավիճակը՝ կապված ռուսաստանցի փորձագետների այցի հետ Թբիլիսիում Ռիչարդ Լուգարի անվան հանրային առողջապահության հետազոտական կենտրոն: Ըստ նրա՝ նա ռուսական կողմին ծանոթացրել է մայիսի 27-ին Վրաստանի արտգործնախարարության հայտարարության հետ, որում նշվում է, որ հանրապետությունը պատրաստ է ընդունել փորձագետներին Ռուսաստանի Դաշնությունից, բայց՝ միայն միջազգային պատվիրակության կազմում:

«Մենք նաեւ տեղեկություններ ենք փոխանակեել Լուգարի ​​լաբորատորիայի վերաբերյալ: Ես նրան (Կարասինին) տեղեկացրել եմ վրացական կողմի դիրքորոշման մասին, մասնավորապես, հիմնվելով մայիսի 27-ին Վրաստանի արտգործնախարարության հայտարարության վրա: Կորոնավիրուսի համատեքստում նշվել է, որ բոլոր երկրները պետք է համատեղ ջանքեր գործադրեն այս վարակի դեմ պայքարի համար»,- եզրափակել է Աբաշիձեն:

Պրահայի բանակցային Կարասին-Աբաշիձե ձեւաչափը գոյություն ունի 2012 թվականից: Երկար ժամանակ այն շարունակում է մնալ միակ ուղիղ երկխոսությունը Մոսկվայի եւ Թբիլիսիի միջեւ: Վերջին հանդիպումը Չեխիայի մայրաքաղաքում տեղի է ունեցել նոյեմբերի 28-ին: Ապրիլին Ռուսաստանի արտգործնախարար Սերգեյ Լավրովը հայտարարել էր, որ Մոսկվան հույս ունի առաջիկայում լուծել Վրաստանի հետ օդային հաղորդակցության վերականգնման հարցը:

Ռուսաստանի Դաշնության Նախագահի հրամանագրի համաձայն՝ 2019 թվականի հուլիսի 8-ից ռուսական ավիաընկերություններին ժամանակավորապես արգելվել էր ավիափոխադրումներ իրականացնել Վրաստան: Նույն օրվանից ուժի մեջ էր մտել Ռուսաստանի Դաշնության տրանսպորտի նախարարության որոշումը վրացական ավիաուղիների՝ Ռուսաստան չվերթների դադարեցման վերաբերյալ: Ռուսաստանի իշխանությունները դիմել էին այդ քայլին այն բանից հետո, երբ նույն թվականի հունիսի 20-ին մի քանի հազար մարդ Թբիլիսիում հակառուսական ցույցեր էր կազմակերպել խորհրդարանի շենքի դիմաց: Զանգվածային ակցիաների պատճառ էր դարձել Պետդումայի պատգամավոր Սերգեյ Գավրիլովի եւ Ռուսաստանի այլ պատվիրակների մասնակցությունն Ուղղափառության միջխորհրդարանական վեհաժողովի աշխատանքներին, որը կազմակերպել էր հյուրընկալող կողմը վրացական խորհրդարանում:

 

!
Այս նյութը հասանելի է նաև   Русский
Տպել