Ուշադրություն դարձրեցինք ԱՄՆՊետքարտուղարության պաշտոնական հայտարարությանը՝ Մալթայի իշխանությունների կողմից 1,1 մլրդ ԱՄՆ դոլարին համարժեք «կեղծ» լիբիական դինարների բռնագանձման մասին, որոնք արեւելալիբիական կառավարության համար պատրաստվել են ռուսական «Գոսզնակ» ԲԸ-ի կողմից, ասվում է Ռուսաստանի ԱԳՆ կայքում։
«Լիբիայի դինարներ տպագրելու պայմանագիրը ստորագրվել է 2015 թվականին՝«Գոսզնակ» ԲԸ-ի եւ Լիբիայի Կենտրոնական բանկի ղեկավարի միջեւ, եւ հաստատվել է Լիբիայի Պատգամավորների պալատի (խորհրդարանի) կողմից: Լիբիական կողմը կատարել է անհրաժեշտ կանխավճարը: Իր պայմանագրային պարտավորությունների կատարման շրջանակներում ռուսական կազմակերպությունը լիբիական տպագիր թղթադրամներով բեռ է ուղարել Տոբրուկել քաղաքում ԿԲ-ի հասցեով: Ընդ որում, ելնում ենք նրանից, որ նշված դրամական միջոցներն անհրաժեշտ են լիբիական ամբողջ տնտեսության կայուն գործունեությանն աջակցելու համար»,- ասվում է գերատեսչության հայտարարության մեջ:
«Կցանկանայինք նշել, որ Լիբիայում փաստացի երկիշխանության պայմաններում գոյություն ունի երկու Կենտրոնական բանկ: Դրանցից մեկը գտնվում է Տրիպոլիում, որտեղ գործում է միջազգայնորեն ճանաչված Ազգային համաձայնության կառավարությունը՝ Ֆ.Սարաջի գլխավորությամբ: Մյուս Կենտրոնական բանկը գտնվում է Բենգազի քաղաքում: Դրա ղեկավարը նշանակվել է Լիբիայի համաժողովրդական ընտրություններում ընտրված խորհրդարանի` Պատգամավորների պալատի կողմից եւ, համապատասխանաբար, ունի անհրաժեշտ միջազգային լեգիտիմություն:
Այսպիսով, կեղծ են ոչ թե լիբիական դինարները, այլ ամերիկյան հայտարարությունները: Ռուսաստանը հետեւողականորեն կողմ է հանդես է գալիս նրան, որ լայն միջլիբիական երկխոսության շրջանակներում քաղաքական կարգավորումն այլընտրանք չունի։
Այս համատեքստում մենք աջակցում ենք Լիբիայի Պատգամավորների պալատի խոսնակ Ա. Սալեհի կողմից առաջ քաշված նախաձեռնությանը, որն ուղղված է եղբայրասպան հակամարտությունը դադարեցնելուն եւ երկրի իշխանության միասնական մարմինների ստեղծմանը: Կարծում ենք, որ դրա դրույթները կարող են հիմք հանդիսանալ ՄԱԿ-ի հովանու ներքո համալիբիական համաձայնության համար»,- նշում է ՌԴ ԱԳՆ-ը: