Ճապոնիայի կառավարությունը մտադիր է մեղմացնել կորոնավիրուսի տարածման պատճառով ընդունված երկրում մուտքի սահմանափակումները Ավստրալիայի, Նոր Զելանդիայի, Վիետնամի եւ Թաիլանդի քաղաքացիների համար, հաղորդում է ՄԿ-ը։
Ինչպես գրում է Yomiuri թերթը, Տոկիոն շահագրգռված է նշված երկրների հետ տնտեսական փոխգործակցության շուտափույթ վերսկսման հարցում, քանի որ այնտեղ գրանցվել է վարակվածների թվի անկում։ Սահմանափակումները, նախնական տվյալներով, կմեղմացվեն ամռանը։
նշվում է, որ չորս երկրներից ժամանողները պարտադիր պետք է անցնեն կորոնավիրուսի թեստավորում, իսկ Ճապոնիայում զբոսաշրջիկներից կվերցնեն անալիզներ COVID-19-ի առկայությունը պարզելու համար, ինչի արդյունքում կտրամադրվի մուտքի պաշտոնական թույլտվություն։
