News
Լրահոս
News
Շաբաթ
Հուլիս 11
USD
486.73
EUR
549.62
RUB
6.84
ME-USD
0.02
Տեսնել լրահոսը


«Այս պահին աշխատանքի չեմ մի պարզ պատճառով. երեկ պարզվեց, որ կորոնավիրուսի իմ թեստը դրական է: Ընդ որում, ուզում եմ ասել, որ որեւէ ախտանշան չեմ ունեցել: Պարզապես, քանի որ առաջնագիծ մեկնելու պլաններ կային, որոշեցի թեստավորվել եւ թեստը դրական դուրս եկավ: Հետո թեստավորվեցինք ամբողջ ընտանիքով, եւ փաստորեն ամբողջ ընտանիքով դրական արդյունք ունենք: Այսինք  վարակված ենք կորոնավիրուսով: Որեւէ ախտանշան չունենք: Վերջին մեկ ամսվա ընթացքում աշխատանքի ներկայանալուց առաջ ինչպես կարգն է ջերմաչափվել եմ, ջերմություն չեմ ունեցել:

Ինչ վերաբերում է իմ վարակվելուն, ակնհայտ է, որ ընտանիքիս անդամները վարակվել են ինձնից: Ես կռահում եմ, թե որտեղ եւ ինչպես եմ վարակվել: Վարակվել եմ աշխատանքային խորհրդակցությունների ընթացքում: Ուղղակի մի դեպք եմ արձանագրել, որ տպավորվել է իմ մեջ եւ համոզմունք կա, որ այդ դեպքի հետ է կապված, մանավանդ խորհրդակցությունների ժամանակ գիտեք, որ ջրի բաժակներ են դնում: Ես մի օր արձանագրեցի, որ բաժակն առանց ձեռնոցի դրեցին: Իհարկե, տեղում նկատողություն արեցի եւ առաջարկեցի փոխեն, բայց ենթադրում եմ, որ դրանից առաջ լ է այդպես եղել: Այդ մատուցողի մոտ նույնպես հաստատվել է դրական»,-ասաց Փաշինյանը:

Նա հավելեց, որ աշխատելու է վարչապետի կեցավայրից. «Ունեմ բոլոր պայմաններն այստեղ՝  կապի միջոցները, մնացած բոլոր պայմանները եւ ինչքան որ հնարավոր կլինի կաշխատեմ, նույնիսկ սպասվածից ավելի շատ, բայց իհաևրկե, մեկուսացվածության պայմաններում»,-ասաց նա:

Վարչապետը կոչ արեց բոլորին անպայման պահել հակահամաճարակային կանոնները. «Այդ կանոնները մեր դեպքում կոնկրետ չօգնեցին, բայց ամեն դեպքում համոզված եմ, որ այդ կանոնների պահման արդյունքում առնվազն կառավարությունում ինձնից մարդ չի վարակվել կամ հնարավորինս քիչ մարդ է վարակվել: Շատ ցավում եմ, որ այսպես եղավ, բայց եղավ:

Մեր ռազմավարությունը եւ մարտավարությունը մնում է նույնը: Մենք պետք է սովորենք կորոնավիրուսին զուգահեռ ապրել: Բոլորիս մոտ նույն վիճակն է, ջերմություն չունենք, ախտանշաններ չունենք, բայց պետք է հետեւենք, որովհետեւ կարող է մի պահի այդ ախտանշաններն ի հայտ գան: Մեր ամենամեծ մտահոգությունն այն է, որ մեր տատիկ-պապիկներին հանկարծ վարակած չլինենք: Ճիշտն ասած, դրա համար ենք մի քիչ լարված»,-ասաց Նիկոլ Փաշինյանը:

Նշենք, որ այսօր Նիկոլ Փաշինյանի ծննդյան տարեդարձն է, նա դարձավ 45 տարեկան:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Մյանմայում թույլատրել են վագրերի, մողեսների եւ անհետացման սպառնալիքի տակ գտնվող այլ տեսակների կոմերցիոն բուծումը
Հունիսին Մյանմայի անտառտնտեսության վարչությունը հանգիստ կանաչ լույս տվեց մասնավոր կենդանաբանական այգիներին՝ 90 տեսակի բուծման լիցենզիա ստանալու համար․․․
Կառավարությունը հուլիսի 13-ին արտահերթ նիստ է հրավիրում. Օրակարգում արտակարգ դրությունը երկարաձգելու հա՞րցն է
Հուլիսի 13-ին ժամը 11:00-ին տեղի կունենա ՀՀ կառավարության արտահերթ նիստը…
Խախտումների ծավալը քչացել է, բայց դրանք կան. ՍԱՏՄ-ն շարունակում է ստուգայցերը
հանրապետությունում 24 ժամով կասեցվել է երեք տասնյակից քիչ ավելի տնտեսավարողների գործունեությունը…
Դիմակը կարելի է հանել միայն սնվելիս եւ լողալիս. ոստիկանության ուժեղացված ստուգայցը Սեւանա լճում եւ ափամերձ տարածքներում
Այն քաղաքացիները, ովքեր չեն հետեւում այս կանոններին վարչական պատասխանատվության են ենթարկվում…
Արցախում արտակարգ դրությունը երկարաձգվեց մինչեւ օգոստոսի 12-ը
Արտակարգ իրավիճակի ժամկետը երկարաձգվել է մինչև 2020 թ. օգոստոսի 12-ը…
Տնտեսական հարցերի եվրահանձնակատարը հայտնել է ռեցեսիայի սպառնալիքի մասին