News
Լրահոս
News
Ուրբաթ
Հուլիս 03
USD
483.84
EUR
543.3
RUB
6.81
ME-USD
0.02
Տեսնել լրահոսը


Գիտեք, որ նախորդ քառօրյա նիստերին վարչապետը եղել է խորհրդարանում. մենք բոլորս դիմակով այնտեղ նստած ենք եղել, եւ կարծում եմ՝ պետք է որ խնդիր առաջացած չլինի: Այս մասին այսօր՝ հունիսի 1-ին, ԱԺ-ում լրագրողների հետ ճեպազրույցի ժամանակ նշեց «Իմ քայլը» խմբակցության ղեկավար Լիլիթ Մակունցը՝ առողջություն մաղթելով վարչապետին, իր ընտանիքին, ինչպես նաեւ  այն անձանց, որոնք այս օրերին հաղթահարում կորոնավիրուսի հետ կապված խոչնդոտները:

Ինչ վերաբերում է նրան, որ դրանից առաջ էլ վարչապետը մեկնել էր Արցախ, Մակունցն ասաց, որ չի կարող, նաեւ իրավասու չէ այդ հարցերը մեկնաբանել. «Ինչ վերաբերում է ԱԺ-ում պատգամավորների թեստավորմանը, մենք բոլորս կրում ենք դիմակներ: Եթե առողջապահության նախարարությունը գտնի, որ պետք է հանձնենք թեստեր, ուրեմն կհանձնենք: Ես չգիտեմ՝ թեստավորման անհրաժեշտության կա, թե ոչ, ես չեմ այն անձը, որին պետք է այդ հարցը տալ: Կսպասենք նախարարության, պարետատան ցուցումներին, չեմ կարծում, թե որեւէ խնդիր կա, որովհետեւ մենք բոլորս դիմակներ կրել ենք»:

Դիտարկմանը, որ առողջապահության նախարարությունը հորդորում է կոնտակտավորներին ինքնամեկուսանալ, եւ ԱԺ ներսում պատգամավորներ կան, որ կոնտակտավոր են եղել, օրինակ Հրաչյա Հակոբյանը, ինչու նա ինքնամեկուսացած չէ, Մակունցն արձագանքեց. «Երբ վարչապետը հայտարարեց, որ թեստը դրական է արձանագրվել, դրանից հետո արդեն բոլոր անհրաժեշտ գործողությունները կձեռնարկվեն: Պետք է ինչ-որ բան արձանագրվի, որից հետո կոնտակտավորներն ինքնամեկուսանան կամ այլ անհրաժեշտ միջոցներ ձեռնարկվեն»:

Ինչ վերաբերում է նրան, որ վարչապետի մոտ ախտանշաններ չկան, հետեւաբար «Իմ քայլը» խմբակցությունում բոլորն էլ կարող են կոնտակտավոր համարվել, Մակունցն ասաց. «Ես խնդրում եմ որեւէ կերպ խուճապ չտարածենք: Անհրաժեշտ բոլոր միջոցները կձեռնարկվեն, կանենք առավելագույնը, որ մեր աշխատանքները որեւէ կերպ չխաթարվեն:

Հետագա սահմանափակումների եւ դրանց կարգի վերաբերյալ դրանց անհրաժեշտության դեպքում պարետատունը կանի հայտարարություններ եւ պարբերաբար հանդես է գալիս: Ընդ որում ոչ միայն պարետ Տիգրան Ավինյանը, այլ բոլոր կողմերը, որոնք շահագրգռված են, իրենց ոլորտներում անում են հայտարարություններ: Եթե դրա անհրաժեշտությունը լինի, ապա դրա մասին նույնպես հայտարարություն կարվի»:

!
Այս նյութը հասանելի է նաև   English
Տպել
Կարդացեք նաև
Ամբողջը
COVID-19-ի բուժմամբ զբաղվող հաստատություններում ընտանեկան մթնոլորտ է հաստատված. Փաշինյան (ֆոտո)
Այս դրվագը կարծում եմ՝ ավելի լավ պատկերացում է տալիս, թե ինչ կարծիքի են իրենք՝ կորոնավիրուսով վարակված մարդիկ եւ նրանց...
Դիմակ չկրելու հարցով քաղաքացին վիճաբանել է ոստիկանների հետ, բռնություն գործադրել նրանց նկատմամբ. հարուցվել է քրգործ
Քաղաքացին հայտնել է, որ չունի անձը հաստատող փաստաթուղթ եւ փորձել է հեռանալ՝ չենթարկվելով իշխանության ներկայացուցիչ հանդիսացող...
Մերկելը կոչ է արել վերականգնողական հիմնադրամի մասին արագ համաձայնության հասնել
Այն պետք է նպաստի կորոնավիրուսի ճգնաժամից դուրս գալուն...
Եթե ուզում եք ինչ-որ գործ թաղել, ստեղծեք հանձնաժողով. Ղազինյանը՝ ԲՀԿ-ի ու ԼՀԿ-ի նախաձեռնության մասին
Այսինքն հանձնաժողովը 1-2 տարի նիստեր կգումարի, մարդկանց կկանչեն, կխոսեն, նյութեր կհավաքեն, մինչդեռ ցանկացած ելք այս քննիչ հանձնաժողովի…
Կորոնավիրուսի վարակը ներթափանցել է Հայաստան ոչ թե փետրվարին, այլ հունվարին. Գրիգոր Գրիգորյան
Այս տարվա հունվարի 9-ին Առողջապահության նախարարության եւ սոցիալական հարցերի տեսչական մարմինը, որն իրականացնում էր հսկողություն սահմանային անցակետերում, թույլ էր տվել ՀՀ 18 քաղաքացու..
Պանդեմիաները չունեն սեզոնայնություն. Կարանտինը պետք է մտցվել մաքսիմալ խորը. ՄԻԱՎ-ՁԻԱՀ կենտրոնի փորձագետ
Վերջերս առողջապահության նախարար Արսեն Թորոսյանը հարցազրույցում նշել էր, որ եթե նույնիսկ եղել են որոշակի սխալներ, ապա դրանք եղել են նրանից...