Հայաստանում գրավը որպես խափանման միջոց կիրառման դեպքերն ավելացել են: Այս մասին այսօր ԱԺ նիստում հայտարարեց գլխավոր դատախազ Արթուր Դավթյանը:
Նրա խոսքով՝ 2019 թվականին առաջին ատյանի դատարան է ներկայացվել 870 միջնորդություն խափանման միջոցի փոփոխության մասին: «26,2% դեպքերում ընտրվել է այլընտրանքային խափանման միջոց՝ գրավը: 2019-ին էապես մեծացել է միջնորդությունների թիվը»,-նշեց Դավթյանը:
Նա նաեւ նշեց, որ 2019-ին ազատազրկման դատապարտված 957 մարդուց 609-ի նկատմամբ չի կիրառվել նախնական կալանք:
Միեւնույն ժամանակ, նա նշեց, որ 2019-ին եղել է ընդամենը 9 դեպք, երբ մեղադրյալն իրեն պատշաճ կերպով չի պահել. փորձել է փախուստի դիմել կամ նոր հանցանք գործել:
