News
Լրահոս
News
Հինգշաբթի
Հուլիս 09
USD
485.74
EUR
547.57
RUB
6.82
ME-USD
0.02
Տեսնել լրահոսը

Ֆրանսիան երեքշաբթի սկսում է կարանտինից դուրս գալու հաջորդ փուլը: Այսօրվանից լրացուցիչ չեղարկվում են մարտի կեսին կորոնավիրուսի համավարակի պատճառով մտցված մի ամբողջ շարք սահմանափակումներ, փոխանցում է ՏԱՍՍ-ը:

Երկրում տեղաշարժը կդառնա ազատ. ուղեւորություններն այլեւս սահմանափակված չեն տանից 100 կմ շառավղով: Պաշտպանական դիմակի կրումը մնում է, սակայն հանրային տրանսպորտի բոլոր ուղեւորների համար: Ընդ որում՝ իշխանությունները չեղարկել են իրենց նախկին կարգադրությունը սոցիալական հեռավորության պահպանման նպատակով երկաթուղում եւ մետրոյում նստելատեղերի քանակի կրկնակի կրճատման մասին:

Երեքշաբթիից սմարթֆոնների մեջ կսկսի գործել հավելվածը, որը կիրազեկի վերջին 2 շաբաթում ինֆեկցիան կրողների հետ հնարավոր շփումների մասին: Փորձագետների կարծիքով՝ նման տեղեկությունը պետք է փարիզցիներին դրդի ժամանակին թեստավորվել եւ անհրաժեշտության դեպքում կրկին տնային ռեժիմի անցնել:

Ամսաթվերը հստակեցվում են

Անցած շաբաթ Ֆրանսիայի կառավարությունից նախազգուշացրել են, որ Շենգենյան գոտու ներքին սահմանները կարող են բացվել հունիսի 15-ին: Այնուհետեւ պետք է համաձայնեցվեն Եվրամիության արտաքին սահմանները բացելու ժամկետները, ճշգրիտ օրն առայժմ հայտնի չէ:

Տեղի է ունենում մշակութային կյանքի աստիճանական աշխուժացում. այս շաբաթից իրենց դռները կբացեն ֆրանսիական թանգարանները: Ըստ որում՝ ժամկետները տարբեր են. այսպես՝ հունիսի 5-ին առաջիններից մեկը այցելուներին կընդունի Շամբոր ամրոցը, Բրանլիի ափին Ժակ Շիրակի անվան ազգագրության թանգարանը՝ հունիսի 9-ին, իսկ Լուվրի եւ Ֆոնտենբլոյում թագավորական նստավայրի բացմանը ստիպված կլինեն սպասել մինչեւ հաջորդ ամիս:

Երեքշաբթի ֆրանսիական նահանգային քաղաքներում պատրաստվում են առաջին այցելուներին դիմավորել ռեստորաններն ու սրճարանները: Դրանց տերերը միլիմետրի ճշգրտությամբ չափել են սեղանների միջեւ հեռավորությունները՝ այդ տարածությունը հիմա պետք է կազմի 1 մետրից ոչ պակաս:

Բուն մայրաքաղաքում առայժմ բաց են լինելու միայն փողոցային սրճարանների տեռասները: Ռեստորանային ինտերիերները փարիզցիներին հասանելի կլինեն միայն հաջորդ՝ երրորդ փուլում:

Առաջին հարսանիքները

Չնայած Ֆրանսիայում ամառը պաշտոնապես սկսվում է ամենաերկար ցերեկն ունեցող օրը՝ հունիսի 21-ին, առաջին ամառային հարսանիքները կարող են կայանալ արդեն երեքշաբթի: Իշխանությունները որոշել են կրկին այդպիսի արարողություններ անցկացնել, սակայն՝ հյուրերի սահմանափակ թվով՝ ոչ ավել, քան 10 մարդ:

Դեռ շաբաթ օրը, չսպասելով կարանտինի չեղարկման երկրորդ փուլին, մայրաքաղաքային քաղաքապետարանը բացել էր քաղաքի այգիներն եւ պուրակները քաղաքացիների համար:

Ֆրանսիական դպրոցներն ակնկալում են այս փուլում դասարաններ վերադարձնել իրենց աշակերտների մեծ մասին: Կրթության համակարգում ինքնամեկուսացման ռեժիմից ելքը սկսվել էր մայիսի 12-ին, սակայն աստիճանաբար է ընթանում: Դասընթացներին է վերադարձել միջին դասարանների աշակերտների մոտ 30 տոկոսը եւ տարրական դասարանների 20 տոկոսը:

Վիրուսը նահանջում է, բայց չի հեռանում

Առողջապահության գլխավոր վարչությունից ստացված վերջին տվյալների համաձայն՝ մարտի 1-ին համավարակի մեկնարկի պահից սկսած մահացել է 28.830 մարդ: Հիվանդանոցներում այժմ մոտ 14.300 կորոնավիրուսով հիվանդ կա: Վերջին օրվա ընթացքում ավելի քան 90 հիվանդ է հոսպիտալացվել:

Կառավարությունը համաճարակի նահանջը կապում է ֆրանսիացիների կողմից ցուցաբերած «քաղաքացիական պատասխանատվության», ինչպես նաեւ պաշտպանիչ միջոցառումների վերաբերյալ իշխանությունների բոլոր առաջարկություններին հետեւելու հետ: Այնուամենայնիվ, զգուշավորությունը կարանտինից ելքի նոր փուլի առանցքային բառն է:

Առավել մասշտաբային փորձությունները, իհարկե, բաժին են ընկնում տնտեսության ոլորտին: Անցյալ շաբաթվա վերջին հրապարակված տվյալների համաձայն՝ երկրում ապրիլին գործազրկությունը համավարակի գագաթնակետին աճել է ավելի քան 20 տոկոսով: Տարվա վերջին ՀՆԱ-ի անկումը կարող է 8 տոկոս կազմել:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Հայաստանում 100 հազար մարդու հաշվարկով հաստատված է կորոնավիրուսի 994 դեպք
Այդ տվյալները ներկայացվել են «Sputnik Բլիժնեե Զարուբեժյե»-ի Տելեգրամ-ալիքի ինֆոգրաֆիկում․․․
Գեղարքունիքի մարզում հաստատվել է կորոնավիրուսով վարակվելու 27 նոր դեպք, 19 հոգի առողջացել է․ Գնել Սանոսյան
մարզպետ Գնել Սանոսյանը...
Կասեցվել է շինարարական մի շարք խանութների գործունեություն. ՇՎՏՄ-ն շարունակում է ստուգայցերը
Տնտեսավարողների մոտ բացակայել են դիմակների ու ձեռնոցների համար նախատեսված…
ԱՄՀ-ի ղեկավարն օգտագործում է կորոնավիրուսի համավարակի նկատմամբ արձագանքը կլիմայի փոփոխության դեմ պայքարի համար
«Մենք հատկապես մտահոգված ենք նրանով, որ ճգնաժամը սպառնում է վերջին տարիներին զարգացման ոլորտում կարեւոր ձեռքբերումներին»,-հավելել է նա․․․
Եվրահանձնաժողովը հավանություն է տվել մինչեւ 500 մլրդ եվրոյի չափով հիմնադրամի ստեղծման հարցով Գերմանիայի ծրագրերին
Համավարակի հետեւանքով աշխատաշուկան հայտնվել է «աննախադեպ ճգնաժամի մեջ»․ ԱՄԿ-ի ղեկավար
Համաշխարհային առաջնորդները կոչ են արել միասնական մոտեցում ցուցաբերել կորոնավիրուսի համավարակի հետեւանքների դեմ պայքարում․․․