News
Լրահոս
News
Շաբաթ
Հուլիս 04
USD
483.84
EUR
543.3
RUB
6.81
ME-USD
0.02
Տեսնել լրահոսը

ԱՄՆ Սան Դիեգո քաղաքում աֆրոամերիկացի Ջորջ Ֆլոյդի մահվան պատճառով սկսված անկարգությունների ժամանակ մարդիկ պաշտպանել են ռուսական Pushkin ռեստորանը: Այս մասին «5-րդ ալիք»-ին պատմել է ռեստորանի սեփականատեր Հայկ Ղազարյանը:

Երբ անկարգությունները հասել են Սան Դիեգո, Ղազարյանը մտածել է ռեստորանը պաշտպանելու անհրաժեշտության մասին: Ցուցարարները վնասել են ավտոմեքենաներ, այրել բանկեր ու շենքեր:

«Ես հասկացա, որ պետք է ինչ-որ բան ձեռնարկել: Իմ ընկերները՝ այստեղի հրեաները, ադրբեջանցիները, հայերը, ռուսները, ուկրաինացիները միավորվեցին: Բոլոր նրանք զենքի լիցենզիա ունեն: Հավաքվեցին իմ ընկերներից 10 մարդ, բոլոր նրանք, ում ամենից շատ է դուր գալիս ռեստորանը: Բոլորն իրենց հետ զենք բերեցին»,-ասել է Ղազարյանը:

Սկզբում փողոցում ամեն ինչ հանգիստ էր, ապա հավաքվածները նկատեցին ռեստորանին մոտեցող ամբոխի:    

Ցուցարարներն արդեն վնասել էին մի քանի խանութ:

Ղազարյանը մյուս հավաքվածների հետ զենքով դուրս է եկել փողոց: Նրա խոսքով՝ պաշտպանները ցանկացել են ցուցարարներին ցույց տան իրենց մտադրությունների լրջությունը: Արդյունքում աբոխը շրջանցել է ռեստորանը եւ վնաս չեն հասցրել:

Ղազարյանը հստակեցրել է, որ օրվա ընթացքում իրավապահ մարմինների աշխատակիցներ փողոցում չեն եղել:  

«Նրանք գնում են մի շրջանից մյուսը, նրանք նույնպես չեն ցանկանում իրարից բաժանվել, հավանաբար, այդպիսի մարտավարություն ունեն: Նրանք 5-6 մեքենա էին վարում, եւ երբ տեղի ունեցան այդպիսի բաներ, ապա ամեն տեղ չէին հասցնում լինել, եւ այս պատճառով կենտրոնում եւս ջարդեցին անչափ շատ խանութներ»,- պատմել է Ղազարյանը:

ԱՄՆ-ում անկարգությունների ալիքը բռնկվել է ոստիկանական դաժան ձերբակալության հետեւանքով 46-ամյա աֆրոամերիկացի Ջորջ Ֆլոյդի մահից հետո: Միջադեպը տեղի է ունեցել Մինեսոտա նահանգի Մինեապոլիս քաղաքում, որտեղ էլ սկսվել են բողոքի զանգվածային ցույցերը:

Տեղի ունեցածից հետո ոստիկանները պնդում էին, որ ձերբակալելիս Ֆլոյդը դիմադրություն է ցույց տվել: Սակայն ավելի ուշ համացանցում տեսանյութ հրապարակվեց, որը հակառակն էր ապացուցում: Կադրերում երեւում է, թե կարգի 4 պահապանները ինչպես են տղամարդուն գետնին գցում, իսկ նրանցից մեկը՝ սպիտակամորթ ոստիկանը ծնկով սեղմում է նրա պարանոցը: Ընդ որում՝ ձերբակալվածը գանգատվել էր շնչելու անհնարինությունից, որից հետո գիտակցությունը կորցրել էր: Նա ավելի ուշ մահացել էր վերակենդանացման բաժանմունքում ասֆիքսիայի հետեւանքով:

Տեղի ունեցածին մասնակցած ոստիկաններին հեռացրել են, իսկ նրանցից մեկին անզգույշ սպանության մեղադրանք է առաջադրվել:

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
23-ամյա վարորդը Օրգովի ոլորաններում կոկա-կոլայով բարձված Mitsubishi բեռնատարով բախվել է ծառերին եւ կողաշրջվել
Դեպքի վայրում ճանապարհային ոստիկաններին է մոտեցել Օրգով գյուղի բնակիչ, 39-ամյա Վարդգես Քամալյանը եւ հայտնել, որ վթարի մեղավորը ինքն է եղել, քանի որ իր վարած…
Եգիպտոսը բժիշկների է ձերբակալել՝ կորոնավիրուսի վերաբերյալ տվյալներ տարածելու համար
Նրանք բոլորը դժգոհություն են հայտնել COVID-19-ի դեմ պայքարում պետական ​​քաղաքականության կապակցությամբ․․․
Ավանի ոստիկանները բացահայտել են մեքենայից կատարված գողությունը
Ավանի բաժանմունքի քրեական հետախույզների ձեռնարկած օպերատիվ-հետախուզական միջոցառումների եւ բացատրական աշխատանքի...
37-ամյա կինը տնտեսական խանութում հեռախոս էր գողացել. քրեական հետախույզների բացահայտումը
Հուլիսի 1-ին ոստիկանության Մաշտոցի բաժնում հաղորդում տված կինը հայտնել էր, որ հունիսի 30-ին անհայտ անձը, օգտվելով իր անուշադրությունից, տնտեսական...
«Ջրահարսի» արձանը Կոպենհագենում կրկին վանդալների զոհ է դարձել
«Ջրահարսը» հաճախ է վանդալների թիրախ դառնում, ովքեր ավելի վաղ գլխատել եւ ներկել էին արձանը․․․
Լուսարձակներ գողացած անձը դեպքից մեկ օր անց հայտնաբերվեց ու բերման ենթարկվեց. Գողոնը չկա
Գողությունը կատարած անձի ինքնությունը պարզելու, նրան եւ գողոնը հայտնաբերելու ուղղությամբ ձեռնարկված միջոցառումներով պարզվեց...
Ամենաշատ