Հայաստանում նոտարները հնարավորություն կստանան ընդունել վկաների ցուցմունքները: Այս մասին ԱԺ Նիստում հայտարարեց արդարադատության փոխնախարար Ռաֆիկ Գրիգորյանը:
«Տվյալ փոփոխություններով մենք առաջարկում ենք ընդլայնել նոտարների գործառույթները՝ հավելելով վկաների ցուցմունքների ընդունման հնարավորությւոնը»,-պարզաբանեց փոխնախարարը:
Նա նշեց, որ 2016 թվականից նոտարներն իրավունք ունեն հաստատել իրավաբանորեն նշանակալի փաստեր, սակայն հաճախ նրանց մոտ գործիքակազմը բավարար չի լինում, ինչի պատճառով գործերը փոխանցվում են դատարանները:
«Եթե վկան համաձայնի ցուցմունք տալ, ապա նա պետք է զգուշացվի կեղծ ցուցմունք տալու համար քրեական պատասխանատվության ենթարկվելու մասին»,-ասաց Գրիգորյանը: