Փաստաբան Կարեն Թումանյանն իր ֆեյսբուքյան էջում գրել է. «Վանաձորի «Գլորիա» կարի ֆաբրիկայի գործունեությունը 72 ժամով կասեցնելու վերաբերյալ։
Նախ՝ ցանկանում եմ տեղեկացնել, որ Վարչապետի կողմից հրապարակված լուսանկարը կատարված է Ընկերության տարածքից դուրս: Ընկերությունը պարտականություն, առավել ևս հնարավորություն չունի իր տարածքից դուրս պահպանել կամ հետևել պարետի կողմից սահմանած հակահամաճարակային կանոններին: Դա ոստիկանության պարտականությունն է:
Երկրորդ՝ Վարչապետի կողմից հրապարակած ավտոբուսները Ընկերության սեփականությունը չեն հանդիսանում, այլ վարձակալված են Ընկերության կողմից և հանդիսանում են հասարակական տրանսպորտ: Ընկերությունը կամ Ընկերության ղեկավարոթյունը իրավասություն և հնարավորություն չունի հանրային տրանսպորտում պարետի որոշման կատարման նկատմամբ վերահսկողություն իրականացնելու: Դրա համար այլ մարմինների աշխատակիցներ աշխատավարձ են ստանում և պարտավոր են իրենց գործողությունը կատարել բարեխիղճ։
Որևէ սուբյեկտի պատասխանատվություն ենթարկելուց առաջ ճիշտ կլինի և օգտակար ժամանակ տրամադրել և որոշակի փաստեր ուսումնասիրել։
Ի դեպ դա վարչական մարմնի պարտականությունն է։
Առողջ եղեք…»
