News
Լրահոս
News
Շաբաթ
Հուլիս 11
USD
486.73
EUR
549.62
RUB
6.84
ME-USD
0.02
Տեսնել լրահոսը

Համավարակի զարգացման այս օրերին շատերն են առաջ քաշում հակաճգնաժամային կառավարության ստեղծման պահանջ։ Այս մասին Ֆեյսբուքի իր էջում գրել է արտակարգ իրավիճակների եւ սպորտի ու երիտասարդության հարցերի նախկին նախարար Հրաչյա Ռոստոմյանը։

«Գաղափարն ինքնին ողջունելի է, մանավանդ՝ գործող կառավարության ակնհայտ ձախողման համատեքստում, սակայն «հակաճգնաժամային կառավարություն» կոչվածն ընդամենը գործիքակազմ է, կառավարման միջոց ու շատ ավելի կարևոր է դրա բովանդակության քննարկումը։

Հակաճգնաժամային կառավարությունն, ըստ էության, պետք է լինի ազգային համաձայնության, համերաշխության կաբինետ՝ գործունեության սահմանափակ ժամկետով ու մանդատով։ Այդ կառավարությունն, իր բնույթով, պետք է լինի մերիտոկրատիայի (արժանիների իշխանություն) դրսևորում», գրել է Հրաչյա Ռոստոմյանը։

Արտակարգ իրավիճակների նախկին նախարարի խոսքով՝ ըստ էության՝ ազգային համաձայնության ժամանակավոր կառավարության հիմնական առաքելությունը պետք է լինի հումանիտար աղետի կանխումը կամ չեզոքացումը․

«Այս համատեքստում նման կաբիների առաջնային խնդիրներն են․

- առողջապահական համակարգի կոլապսի հաղթահարումը, համաճարակի «ողնաշարը» կոտրելը։ Ցավոք, մեր առողջապահական համակարգն այլևս չի կարող ինքնուրույն լուծել այս խնդիրը։ Պետք է դիմել միջազգային աջակցության խնդրանքով, առաջին հերթին՝ Ռուսաստանին ու ԵԱՏՄ մեր գործընկերներին, նաև՝ հարևան Վրաստանին։ Մեր գործընկերների միջոցով պետք է մեծացվեն Հայաստանի առողջապահական համակարգի կարողությունները՝ դաշտային հիվանդանոցներ հիմնելու, դրսից բերված բուժսարքավորումների, բժշկական անձնակազմի, նաև՝ առաջատար ենթակառույցներ ներդնելու միջոցով։ Յուրաքանչյուր օրվա հապաղումը հանգեցնելու է տասնյակ մահերի, ինչի պատասխանատվությունը մնալու է գործող կառավարության վրա,

- տնտեսական ճգնաժամի, սոցիալական աղետի կանխումը։ Այդ նպատակով ազգային համաձայնության կառավարությունը պետք է դադարեցնի հասարակության սորտավորումը, «սևերի» ու «սպիտակների» բաժանումը։ Անհրաժեշտ է համախմբել ամբողջ հայության ներուժը, կասեցնել հակասոցիալական օրենսդրության գործունեությունը։ Գործող կառավարության ժամանակավրեպ օրակարգը բերում է հասարակության մասնատմանը, համազգային պոտեցիալի փոշիացմանը,

- երկրին սպառնացող անվտանգային ռիսկերի չեզոքացումը։ Համավարակով պայմանավորված՝ Հայաստանի միջազգային մեկուսացման հեռանկարը կարող է նոր խթան հանդիսանալ թշնամիների ռազմատենչության համար»։

Ըստ Հրաչյա Ռոստոմյանի՝ անհրաժեշտ են քայլեր՝ ազգային միասնության կայացման, Արցախի ու Հայաստանի պաշտպանունակության ամրապնդման ուղղությամբ․

«Ակնհայտ է, որ Նիկոլ Փաշինյանի կառավարությունն ամբողջովին ձախողել է հակահամաճարակային քաղաքականությունը։ Դա դիլենտանտիզմի, ավելորդ ինքնավստահության ու բանական կարծիքներն անտեսելու հետևանք է։ Նման քաղաքականության շարունակությունը հավասարազոր է հանցագործության․ եթե հապաղենք նշված օրակարգով ազգային համաձայնության կառավարություն ձևավորելու հարցում, կարող ենք ունենալ աղետալի հետևանքներ»։

Տպել
Կարդացեք նաև
Ամբողջը
Մյանմայում թույլատրել են վագրերի, մողեսների եւ անհետացման սպառնալիքի տակ գտնվող այլ տեսակների կոմերցիոն բուծումը
Հունիսին Մյանմայի անտառտնտեսության վարչությունը հանգիստ կանաչ լույս տվեց մասնավոր կենդանաբանական այգիներին՝ 90 տեսակի բուծման լիցենզիա ստանալու համար․․․
Կառավարությունը հուլիսի 13-ին արտահերթ նիստ է հրավիրում. Օրակարգում արտակարգ դրությունը երկարաձգելու հա՞րցն է
Հուլիսի 13-ին ժամը 11:00-ին տեղի կունենա ՀՀ կառավարության արտահերթ նիստը…
Խախտումների ծավալը քչացել է, բայց դրանք կան. ՍԱՏՄ-ն շարունակում է ստուգայցերը
հանրապետությունում 24 ժամով կասեցվել է երեք տասնյակից քիչ ավելի տնտեսավարողների գործունեությունը…
Դիմակը կարելի է հանել միայն սնվելիս եւ լողալիս. ոստիկանության ուժեղացված ստուգայցը Սեւանա լճում եւ ափամերձ տարածքներում
Այն քաղաքացիները, ովքեր չեն հետեւում այս կանոններին վարչական պատասխանատվության են ենթարկվում…
Արցախում արտակարգ դրությունը երկարաձգվեց մինչեւ օգոստոսի 12-ը
Արտակարգ իրավիճակի ժամկետը երկարաձգվել է մինչև 2020 թ. օգոստոսի 12-ը…
Տնտեսական հարցերի եվրահանձնակատարը հայտնել է ռեցեսիայի սպառնալիքի մասին