Հարավկորեական Samsung Electronics տեխնոլոգիական հսկան սկսել է տարածել ծրագրային ապահովման թարմացում Galaxy S20 սմարթֆոնների համար։ Վաճառքների սկզբում հազար ԱՄՆ դոլարից սկսվող գին ունեցող սարքերը վերջապես կարելի կլինի օգտագործել զանգերի համար՝ չտառապելով բազմաթիվ խնդիրների պատճառով, հաղորդում է Planet-today-ը։
Ըստ SamMobile հարթակի, Samsung ընկերությունը ծրագրային ապահովման թարմացումը թողարկել է G98xNKSU1ATED ինդեքսով, որի չափսը 208 մեգաբայթ է։ Հայտարարված փոփոխությունը մեկն է՝ զանգի որակի լավացում։ Բայց սա, անկախ ձեւակերպման պարզությունից, շատ կարեւոր կետ է։
Բանն այն է, որ Galaxy S20 շարքի բոլոր սարքերը զանգերի ձայնի հետ կապված զանազան խնդիրներ ունեն՝ բաց են թողնում զանգերը։ 1000 դոլարից ավել արժեցող սմարթֆոններից օգտվողները վաճառքների սկզբից սկսած բողոքում են զանգերի հետ կապված խնդիրներից, բայց Samsung-ի ինժեներները միայն հիմա են դրան ուշադրություն դարձրել։
Հայտնի չէ՝ կօգնի արդյոք G98xNKSU1ATED թարմացումը լուծել զանգերի հետ կապված բոլոր խնդիրները, հուսանք, որ այո։ Հակառակ դեպքում Samsung-ը կարող է լուրջ վտանգել վստահությունն իր եւ իր արտադրատեսակների հանդեպ։