Հանրաքվեն չեղարկելու ճանապարհն այն է, որ Ազգային ժողովն ինքն իր որոշումը հետ կանչի: Այս մասին, այսօր՝ հունիսի 3-ին, ԱԺ-ում լրագրողների հետ զրույցում նշեց «Լուսավոր Հայաստան» խմբակցության ղեկավար Էդմոն Մարուքյանը:
«Իրավաբաններ կան, որ ասում են՝ հնարավոր չէ հետ կանչել, բայց այս օրենքը որ ընդունվեց, արդեն հնարավոր է հետ կանչել: Ես կարծում եմ, որ կեղծ օրակարգ է: Մենք այսօր ունենք հարյուրավոր վարակակիրներ, տասից ավելի մահեր, դուք ինձ հանրաքվեի մասին հարց եք տալիս: Ի՞նչ հանրաքվե: Իշխանությունը էդ օրակարգերով է զբաղված, դրա համար ենք էս օրն ընկել»,-ասաց նա:
