Մեղքը եւ պատասխանատվությունը տարբեր բաներ են, մեղավոր փնտրելը ամենաանպտուղ բանն է, որ կարելի է անել։ Այս մասին այսօր՝ հունիսի 3-ին, ԱԺ-ում իր ելույթի ժամանակ հայտարարեց «Իմ» քայլը խմբակցության պատգամավոր Ռուբեն Ռուբինյանը՝ արձագանքելով ԲՀԿ-ական պատգամավոր Նաիրա Զոհրաբյանի ելույթին, որտեղ վերջինս կառավարությանը կոչ էր արել վարակի տարածման հետեւանքով ստեղծված իրավիճակի պատասխանատվությունը քաղաքացիների վրա չգցել։
«Մեղավոր փնտրելն ամենաանպտուղ բանն է, որ կարելի է անել։ Ի դեպ, դուք դա եք անում հիմա։ Բայց դա չի նշանակում, որ մարդիկ չպիտի գիտակցեն իրենց պատասխանատվությունը, պետությունը, վարչապետը, պարետը, ոստիկանը, քաղաքացին, բոլորն ունեն պատասխանատվություն, միակ ճանապարհը համաճարակը հաղթահարելու խիստ պետության եւ գիտակցող քաղաքացու համագործակցությունն է։ Եթե ուզում եք մենք առաջ գնանք համաճարակի դեմ պայքարում, կարող եք սկսել ձեր խմբակցության պատգամավորից եւ փորձեք անել այնպես, որ դիմակ կրի»,- նշեց նա։
