Այսօրվանից դիմակ կրելը պարտադիր է, տնից դուրս ամեն տեղ. մենք պետք է իրար հետեւենք, իրար պարտադրենք, իրարից պահանջենք, որ հակահամաճարակային պահանջները պահպանվեն: Այս մասին Facebook-ի իր էջի ուղիղ եթերում նշեց ՀՀ վարչապետ Նիկոլ Փաշինյանը:
«Ես երեկ համոզվեցի, որ մեր կիրառած ամենաարդյունավետ գործիքը հանրային վերահսկողությունն է: Մենք ձեւավորում ենք հակահամաճարակային հանրային վերահսկողության թիմ: Ես ուրիշ խնդիր եմ դնում, ՀՀ-ում պետք է սկսի հակահամաժարակային շարժում: Ամեն մեկը պետք է նախ պահի կանոնները, երկրորդ, ուրիշներից պահանջի այդ կանոնների պահպանում, նաեւ կանոնների խախտման դեպքերը հրապարակի սոցցանցի իր էջում:
Արդեն իսկ պատկան մարմիններում ստեղծվել է մոնիտորինգի խումբ, որը հետեւելու է այդ հրապարակումներին: Կոչ եմ անում բոլորին միանալ այդ շարժմանը: Ընդ որում, կապ չունի, մենք ախտորոշված ենք, թե ոչ»,-ասաց վարչապետը:
«Իհարկե, մենք ունենք մի քանի սցենարներ, որոնցից մեկը կկիրառենք, բայց իմ կոչն ու ակնկալիքն է, որ ՀՀ-ում սկսվի հակահամաճարակային շարժում: Բանկերում մի քանի ժամվա ընթացքում հարցերը լուծվեցին, որովհետեւ բանկերը հասկացան, որ իրեննց վարկի վրա վազ ազդեցություն է ունենում: Պետք է նկարենք, թե ինչ է տեղի ունենում կանգառներում, դպրոցներում, աշխատանքի վայրերում, պետականմ հիմնարկներում:
Սկսած մեծ բանկից, վերելակից, տրասնպորտից, փողոցում քայլելուց, մեր անհատական վարքագիծն է, որ բերում է արդյունքների»,-հավելեց Փաշինյանը:
