News
Լրահոս
News
Կիրակի
Հուլիս 05
USD
483.84
EUR
543.3
RUB
6.81
ME-USD
0.02
Տեսնել լրահոսը

«Հրապարակ» թերթը գրում է. «Ոստիկանության զորքերի ծառայողներից ահազանգ ենք ստացել՝ կապված իրենց տրամադրված սննդի որակի, աշխատավարձի չափի եւ այլ խնդիրների հետ։ Նրանք պատմում են․ «Իրենց տված տուշոնկեն նայեք հլը, շանը տալիս ես, չի ուտում։ Ուտել չի լինում, գրված ա՝ ժամկետի մեջ ա, բայց դե․․․ որ գործուղման ենք եկել, դրա համար են տվել՝ մեկ հատ տուշոնկա, մի կտոր հաց։ Սնունդը չեն տալիս, աշխատավարձը 110 հազար դրամ ա, գործուղում են ուղարկում, բայց պրեմիա չկա, ու տենց բաներ։ Մենք սպասում ենք նախարարին, տեսնենք ինչ ա ասում»։

Մեր զրուցակիցները նաեւ նշեցին, որ արտակարգ դրության այս պայմաններում հաճախ ընդմիջումն անում են փողոցում կամ, որ ավելի լավ է՝ ծառերի տակ։ Այդ իսկ պատճառով էլ այս ընթացքում մի քանիսը համակարգից ազատման դիմումներ են ներկայացրել։ Նրանք հանդիպելու են ներքին զորքերի հրամանատար Վահե Ղազարյանի հետ՝ բարձրաձայնելու իրենց դժգոհությունների մասին։ Ոստիկանության լրատվական ծառայությունից պատասխանելով սննդի որակի մասին մեր հարցին՝ ասացին, որ դրսում ծառայություն իրականացնող ոստիկանության զորքերի ծառայողներին տրամադրվում է չոր օրապահիկ, որը սահմանված է համապատասխան որոշումներով։

Ինչ վերաբերում է մսի պահածոներին՝ դրանք չեն կարող ժամկետանց լինել, քանի որ ձեռք բերելուց առաջ որոշակի ընթացակարգեր են անցել, նաեւ՝ լաբորատոր ստուգումներ։

Իսկ աշխատավարձի վերաբերյալ դժգոհությունների, համակարգը լքելու եւ Վահե Ղազարյանի հետ հանդիպման մասին էլ մեզ փոխանցեցին․ «Ոստիկանության զորքերի բոլոր ծառայողները ստացել են ամսական հավելավճարներ, բացի այդ՝ հունիսի 1-ի ոստիկանության պետի հրամանով, լրացուցիչ պարգեւավճար է հատկացվելու․․․ Մայիսի 1-ից մինչ օրս ՈԶ շարքերը լքել է 12 ծառայող, իսկ նույն ժամանակահատվածում զորքեր ընդունվել է 32 անձ․․․ ՈԶ հրամանատարի հետ որեւէ հանդիպում նախատեսված չէ, եւ նման առաջարկ անգամ չի եղել, ու դժգոհությունների մասին էլ հրամանատարությանը չի բարձրաձայնվել։

Ոստիկանության զորքերն այսօր, պետական սահմանը պաշտպանելուց զատ, ներգրավված են նաեւ համաճարակի դեմ պայքարում եւ պատվով են կատարում իրենց գործառույթները»։

Նշենք, որ մեր տեղեկություններով, ոստիկանապետի որոշմամբ ոստիկանների լրացուցիչ պարգեւավճարը կազմելու է 50 հազարական դրամ։ Այս օրերին ոստիկաններն աշխատում են ծանրաբեռնված, համավարակի հետ կապված՝ նրանց վրա նոր պարտականություններ են ավելացել»:

Առավել մանրամասն՝ թերթի այսօրվա համարում

Տպել
Կարդացեք նաև
Ամբողջը
ԱՀԿ-ն դադարեցրել է COVID-19-ի դեմ երեք դեղամիջոցների փորձարկումները
Փորձարկումներին մասնակցել են ավելի քան 4500 պացիենտներ․․․
Իտալիայի իշխանությունները կաջակցեն համավարակից առավել շատ տուժած ավտոարդյունաբերության եւ զբոսաշրջության ոլորտներին
Իտալիայի վարչապետը նշել է, որ հաջորդ շաբաթվանից երկրի կառավարությունը կսկսի մշակել համապատասխան հարկային բարեփոխումներ․․․
Նուրսուլթանում ներդրվում է խիստ կարանտին. երկու շաբաթով կդադարեցվի հասարակական տրանսպորտի աշխատանքը
Մասնավորապես, հասարակական միջոցառումների, հասարակական վայրեր եւ ժամանցի վայրեր հաճախելու արգելքի հետ մեկտեղ․․․
ԱԱՏՄ անակնկալ ստուգայցեր` Մարտունիում և Վարդենիսում․ դիտարկված 30 տնտեսավարողից 5-ի կասեցման միջնորդություն կներկայացվի
ԱԱՏՄ-ն հորդորում է խստորեն պահպանել ՀՀ պարետի սահմանած նորմերը․ չպահպանման դեպքում կիրառվում են վարչական պատասխանատվության միջոցներ...
ԲԴԽ–ն՝ կորոնավիրուսի համավարակի կանխարգելմանն ուղղված աշխատանքների մասին
Բարձրագույն դատական խորհրդի, Դատական դեպարտամենտի և ՀՀ բոլոր դատարանների վարչական շենքերը...
Կատալոնիայում կորոնավիրուսի խոշոր բռնկման պատճառով մի ամբողջ թաղամաս է մեկուսացվել
Թաղամասում ապրում է մոտ 209 հազար մարդ․․․