News
Լրահոս
News
Շաբաթ
Հուլիս 04
USD
483.84
EUR
543.3
RUB
6.81
ME-USD
0.02
Տեսնել լրահոսը

Անգամ ոստիկանության սկսնակ հետաքննիչը իր առաջին նյութերը նախապատրաստելիս ավելի ուշադիր է լինում եւ քիչ խախտումներ է թույլ տալիս, քան այս դեպքում ՀՀ ԱՆ-ը աշխատակիցները: Այս մասին ֆեյսբուքյան իր էջում գրել է ՀՀ վերաքննիչ քրեական դատարանի դատավոր Ալեքսանդր Ազարյանի փաստաբան Տիգրան Աթանեսյանը։

Նա, մասնավորապես, գրել է.

«ՀՀ վերաքննիչ քրեական դատարանի դատավոր Ա.Ազարյանին ՀՀ արդարադատության նախարարի միջնորդության հիման վրա կարգապահական պատասխանատվության ենթարկելու հարցի քննարկման համար ՀՀ Բարձրագույն դատական խորհրդի նիստը հրավիրվել է 18.06.2020թ. , ժամը 14.00: Դատական օրենսգրքով սահմանված ժամկետում ներկայացրել եմ միջնորդության պատասխանը եւ ԲԴԽ ուշադրությունը հրավիրել կարգապահական վարույթի ընթացքում թույլ տրված անհավատալի մեծ քանակով օրենքի խախտումների վրա: Անգամ ոստիկանության սկսնակ հետաքննիչը իր առաջին նյութերը նախապատրաստելիս ավելի ուշադիր է լինում եւ քիչ խախտումներ է թույլ տալիս, քան այս դեպքում ՀՀ ԱՆ-ը աշխատակիցները:

Հ.Գ. Դատական օրենսգրքի 148 հոդվածի համաձայն, նախարարի որոշման մեջ պետք է նշվեր նաեւ իմ՝ Ա.Ազարյանի ներկայացուցչիս անունը եւ ազգանունը, ինչը նախարարը չի արել: Հիմա եթե ի պատասխան նման ոչ հարգալից մոտեցման ես էլ ասեմ, որ արդարադատության նախարար Հայաստանում մեծ հաշվով չկա , դա կլինի արդար, թե նախարարը կվիրավորվ՞ Տեխնիկական վրիպակով չարդարանաք, հակառակ դեպքում կասեմ, որ ձեր որոշումն ամբողջությամբ տեխնիկական վրիպակ է»։

Տպել
Ամենաշատ