News
Լրահոս
News
Շաբաթ
Սեպտեմբեր 26
USD
485.27
EUR
565.05
RUB
6.28
ME-USD
0.01
Տեսնել լրահոսը

Թուրքիան մարդասիրական օգնությունն օգտագործել է որպես «փափուկ ուժի» խաղի մի մաս, որպեսզի ընդլայնի իր միջազգային ազդեցությունը կորոնավիրուսի պանդեմիայի ժամանակ: Նման կարծիք է հայտնել Թուրքիայում ԵՄ նախկին դեսպան Մարկ Պիերինին:

Թուրքիան դիմակներ, պաշտպանական միջոցներ եւ ախտահանող միջոցներ է մատակարարել 116 երկրներ: «Ներքին հնարավորությունները այլ են: Ինչպես եւ այլ համաշխարհային առաջնորդներ՝ Թուրքիայի նախագահ Ռեջեփ Թայիփ Էրդողանը նախընտրել է ճնշումները»,-գրում է Պիերինին Carnegie Europe-ի հոդվածում:

Միեւնույն ժամանակ, Պիերինիի խոսքով, Թուրքիան իրեն առաջ է տանում համաշխարհային հարթակում: Առաջին հերթին, այն ստեղծում է ավելի հզոր պաշտպանական սեկտոր, որպեսզի ուժգնացնի իր զինված ուժերը: «Երկրորդ հերթին, Թուրքիան առավել քան երբեւէ պատրաստ է օգտագործել զորքերը Լիբիայում, Կատարում, Սոմալիում եւ Սիրիայում, եւ իր ուժը զգալ ինչպես օսմանական տարածքում եւ նրա սահմաններից դուրս:

Երրորդ հերթին, Թուրքիան մարտահրավեր է նետում՝ կապված ծովային սահմանների վերանայման հետ: Թուրքիան ձգտում է տարածաշրջանում նոր կանոնների: Ինչպես մայիսին ասել է Թուրքիայի ԱԳՆ ղեկավար Մեւլյութ Չավուշօղլուն, «Թուրքիան այստեղ է. Դուք պետք է աշխատեք Թուրքիայի հետ»:

Չորրորդ հերթին, Թուրքիան դիմում է սադրանքների՝ փախստականների ուղարկելով Հունաստանի հետ սահման: Ընդ որում, Էրդողանն այնքան հեռուն է գնացել, որ Հունաստանի կառավարությանը «նացիստներ» է անվանել: Թուրքիան բազմիցս ԵՄ-ին անվանել է «ձախողված կազմակերպություն», հատկապես՝ կորոնավիրուսի ժամանակ:

Թուրքիան չի փոխի Սիրիայում իր քաղաքականությունը՝ ԵՄ-ի հետ հարաբերությունները շտկելու համար: Թուրքիայի եւ ԵՄ-ի թշնամությունը տեղի է ունենում Էրդողանի պոպուլյարության անկման ֆոնին, Թուրքիայում քաղաքական ճգնաժամը խորանում է, իսկ երկրի տնտեսական հեռանկարներն էլ ավելի մռայլ են դառնում:

Էրդողանը չի կարող իրեն թույլ տալ պարտվել հաջորդ ընտրություններին, որոնք կանցկացվեն 2023 թվականի հունիսին:  

Նա մտադիր է գերիշխել, եւ ինչ-որ առումով ջնջել Քեմալ Աթաթուրքի ժառանգությունը: Այդ նպատակով Թուրքիայի կառավարությունը հիմնում է նոր հիվանդանոցներ, կամուրջներ, թունելներ եւ օդանավակայաններ, ընդհուպ մինչեւ ավիակիրներ, նոր ստորջրյա նավակներ, անօդաչու թռչող սարքեր:

Թուրքիայում տիրում է փաստացի միանձնյա կառավարում, եւ ԵՄ ցանկացած դրական նախաձեռնություն կամրապնդի եւ կօրինականացնի թուրքական համակարգում օրենքի գերակայության բացակայությունը, եւ, հնարավոր է, որ կդիտարկվի կառավարամետ շրջանակներում՝ որպես աջակցություն Էրդողանին»,-գրում է հոդվածագիրը:  

!
Այս նյութը հասանելի է նաև   Русский
Տպել
Կարդացեք նաև
Ամբողջը
ԱՄՆ-ում կորոնավիրուսով վարակվածների թիվը գերազանցել է 7 միլիոնը
Կատարված հաշվարկով՝ ԱՄՆ-ում վարակվել է 7 005 746 մարդ, մահացել՝ ավելի քան 203 հազարը…
«Նիկոլ, մարդասպան». Մոմավառություն Երևանում ՝ ի հիշատակ կորոնավիրուսից մահացած ՀՀ քաղաքացիների (ֆոտո)
Ակցիայի մասնակիցները մոմ են վառում փոքր խաչքարի մոտ...
Իսպանիայի կառավարությունն առաջարկել է երկրորդ լոքդաուն մտցնել Մադրիդում
Երկրի առողջապահության նախարարն իսպանական ցանկացած քաղաքի, այդ թվում` Մադրիդին, խորհուրդ է տվել փակվել, եթե կորոնավիրուսով վարակման դեպքերի մակարդակը 500 դեպք կամ ավել է կազմում` 100 000 բնակչի հաշվով...
ՌԴ մեկնելու ցանկությամբ հանդես եկող քաղաքացիները դադարեցրին հացադուլը
Օգնականը ակցիայի մասնակիցներին հորդորել է դադարեցնել հացադուլը, ինչին քաղաքացիները համաձայնվել են…
Իրանում մեծանում է կորոնավիրուսով վարակումների թիվը
Իրանում մեկ օրում հայտնաբերվել է COVID-19-ով վարակման 3563 նոր դեպք, մահացել է 207 մարդ․․․
ՌԴ իշխանությունները քննարկում են կորոնավիրուսի դեմ քաղաքացիների պատվաստումն արագացնելու հնարավորությունը
Եթե մեկ ամսում պատկերը չվատթարանա, ապա «ռիսկի խմբերը», որոնք արդեն հիմա սկսել են պատվաստանյութը ստանալ, կարող են ընդլայնվել․․․