Կորոնավիրուսի դեմ պատվաստանյութը միասնական չի լինի․ կհայտնվեն միանգամից մի քանի դեղամիջոցներ՝ բնակչության տարբեր խմբերի համար։ Այս մասին հայտարարել է «Ռոսպոտրեբնադզոր»-ի ղեկավար Աննա Պոպովան, հայտնում է ՏԱՍՍ-ը։
«Սակայն որեւէ դեղամիջոց հաստատ չի լինի։ Կլինի տարատեսակ պատվաստանյութերի եւ դեղամիջոցների մի ամբողջ շարք, որոնք կօգտագործվեն տարբեր խմբերի համար»,- հայտնել է նա։
Պոպովայի խոսքերով՝ պատվաստանյութի հայտնվելու ժամկետների մասին խոսելու համար առայժմ վաղ է։ «Հայտարարված ժամկետները ինչ-որ մեկի հույսն են, իսկ ինձ թվում է, որ մեզ համար հուսադրվելն առայժմ վաղ է»,- նշել է նա։
Հունիսի 2-ին կառավարությունում տեղի ունեցած ճեպազրույցում ՌԴ փոխվարչապետ Դմիտրի Չեռնիշենկոն հայտարարել էր, որ նոր կորոնավիրուսի դեմ զանգվածային պատվաստումները, պատվաստանյութի հաջող փորձարկումների դեպքում, կարող են սկսվել 2020թ․ աշնանը։ Բացի այդ, փոխվարչապետ Տատյանա Գոլիկովան, Դաշնային խորհրդում կառավարական ժամին ելույթ ունենալով, հայտնել էր, որ Ռուսաստանում ներկայում կատարվում է նոր կորոնավիրուսի դեմ 47 պատվաստանյութի մշակում՝ 14 հարթակներում։