Բյուջեի հանդեպ հին վերաբերմունքն արտահայտվում էր այն բանում, որ իշխանությունների կողմից պետական բյուջեն օգտագործվում էր աշխատավարձի մի մասը վերցնելու կամ կողոպտելու համար: Այս մասին հունիսի 5-ին Ազգային ժողովի մշտական խորհրդարանական հանձնաժողովների համատեղ նիստին 2019 թվականի պետական բյուջեի կատարման մասին զեկույցի քննարկման ժամանակ ասաց վարչապետ Նիկոլ Փաշինյանը:
Նրա խոսքով՝ բյուջեի նոր ընկալումը պետք է այլ լինի: «Բյուջեն մեր ընդհանուր գրպանն է, որը մենք համատեղ ենք ստեղծում՝ հավաքական խնդիրներ լուծելու համար: Իմ կարծիքով՝ բյուջեի հին եւ նոր ընկալումը այն ջրբաժանն է, որը պետական ժողովրդին առանձնացնում է ոչ պետականից»,- շեշտեց Փաշինյանը:
