News
Լրահոս
News
Երեքշաբթի
Հուլիս 07
USD
484.35
EUR
547.07
RUB
6.74
ME-USD
0.02
Տեսնել լրահոսը

Երեւանի ընդհանուր իրավասության դատարանի՝ Էրեբունու նստավայրում, նախագահության դատավոր Դանիել Մխեյանի, «բնապահպաններն ընդդեմ Տիգրան Ավինյանի» գործով ընթացող դատական նիստին ցուցմունք տվեց հայցվոր կողմից՝ Անի Խաչատրյանը։

Նշենք, որ 15 հայցվորները պահանջում են պարտավորեցնել փոխվարչապետին՝ հերքել հետեւյալ հայտարարությունը. «Իրազեկեմ ձեզ, որ Ամուլսարի դեմ ծավալված արշավը միանշանակ չէ: Կան անկեղծ եւ ազնիվ մարդիկ, որոնք իրապես հավատում են, որ այս ծրագիրը աղետ է: Բայց նաեւ կան մարդիկ, որոնք ուղղակիորեն կապված են ՀՀ տարածքում հանքարդյունաբերական ոլորտի գործարարների հետ, որոնք բավական լուրջ ֆինանսական միջոցներ էին ներդնում, որպեսզի այս արշավը կազմակերպվի: Թե չէ, վստահեցնում եմ ձեզ, դուք Ամուլսարի մասին չէիք լսելու, որովհետեւ նման հնչեղություն հաղորդելու համար լուրջ ֆինանսական միջոցներ են պետք եւ լուրջ արշավ է պետք կազմակերպել, որը ինտենսիվորեն դեռեւս 2016-2017 թվականից արվում է»։

«Մենք կամավորներ ենք, գրանցված աշխատողներ չենք, նախաձեռնություն ենք ու բոլոր այն միջոցները, որոնք օգտագործվում են պայքարի համար. Ամուլսարի «պոստեր» կոչվածում սնունդ, տրանսպորտ ապահովելու համար։ Այդ բոլորը գոյանում են նվիրատվություններից։ Լինում են դրամահավաքներ եւ դրանց միջոցով հավաքվում է այդ գումարը, հետո կազմվում է հաշվետվություն եւ «Հայկական բնապահպանական ճակատի» էջով, թե ինչքան գումար եւ ինչ եղանակով է փոխանցվել։ Եղել է նաեւ, որ ֆիզիկական անձի հաշվեհամարին է փոխանցվել։ Քանի որ մարդիկ մեզ երկար տարիներ վստահում են, ոչ մեկի մոտ խնդիր չի առաջացել, որ ֆիզիկական հաշվեհամարներին է փոխանցվում։ «Հայկական բնապահպանական ճակատը» որեւէ հանքարդյունաբերողի կողմից որեւէ ֆինանսավորում չի ստացել։ Ես անձամբ հանքարդյունաբերողի կողմից չեմ ֆինանսավորվել»,- ասաց ցուցմունք տվողը։

Պատասխանող կողմի ներկայացուցչի հարցին՝ արդյոք Տիգրան Ավինյանի հայտարարությունը որեւէ հետեւանք հետագայում ունեցե՞լ է, Անի Խաչատրյանն ասաց. «Պարոն Ավինյանի այն հայտարարությունները «Լիդիան Արմենիա» ընկերությունը շատ ակտիվ օգտագործեց գովազդի տալով իր էջում, որպեսզի վարկաբեկի մեզ ու անգամ իր հետեւորդները նշում էին մեր անունները։ Դա արել է նաեւ վարչապետը ժամանակին։ Այդ ամենն օգտագործվում են, որպեսզի միջազգային հարթակում իրենց արժետոմսերի գները բարձրանան, որպեսզի ցույց տան, որ տեսեք, Հայաստանում կա խտրական մոտեցում ու մի հանքարդյունաբերող ֆինանսավորում է մյուսի դեմ պայքարը ու Կառավարությունը դրան չի խառնվում։ Մեր ղեկավարները վերցրել են այդ միֆերը, սարքել են մեծ փուչիկ, ու ամեն դա են ասում, որքա՞ն կարելի է հանդուրժել այդ զրպարտություններն ու ապատեղեկատվությունները մանավանդ փոխվարչապետի բերանից։ Փոխվարչապետ մարդը մի քիչ պետք է պատասխանատու լինի իր խոսքերի համար, ինքը չի կարող օդից խոսել։ Նա չի կարող անպատասխանատու հայտարարություններ անել եւ հետո էլ ասել՝ ապացուցեք, որ ձեր մասին է խոսքը, հակառակը, դու ապացուցի, որ մեր մասին չի խոսքը»։

Նշենք, որ դատարանը պարտավորեցրել է հայցվորներին ապացուցման բեռ՝ ապացուցել, որ հայտարարությունը իրենց է վերաբերում, սակայն ապացուցելու նպատակով Ավինյանին որպես վկա հրավիրելու միջնորդությունը մերժել է։ Այս հիմքով նախորդ դատական նիստերից մեկին դատավոր Մխեյանին ներկայացվել է ինքնաբացարկի միջնորդություն։

Տպել
Կարդացեք նաև
Ամբողջը
Մեքսիկայում թմրանյութ տեղափոխող ինքնաթիռ է հրդեհվել վայրէջք կատարելուց հետո
390 կգ կոկաին տեղափոխող ինքնաթիռը հայտնաբերվել էր Կինտանա-Ռոո նահանգում․․․
Իջեւանի ոստիկանները ստուգայցեր են իրականացրել փայտամշակման արտադրամասեր. Ի՞նչ է հայտնաբերվել
Որոշ դեպքերում տնտեսվարողները հայտնաբերվածի օրինականությունը հավաստող...
Կարկուտը ծեծած տեղն է ծեծում. այս անգամ պտտահողմը պոկել էր Մասիսում ջայլամաբուծական ֆերմայի հսկայական տանիքը (ֆոտո)
Ոստիկաններն ու փրկարարները նշված ֆերմայում հայտնաբերել էին 25 հոշոտված 4-7 ամսական ջայլամներ, իսկ ևս 8 ջայլամ վնասվածքներ էր ստացել...
Ավտովթար Տավուշում. բախվել են 72-ամյա վարորդի «ՎԱԶ 2107»-ն ու 26-ամյա վարորդի Opel-ը. կա վիրավոր (ֆոտո)
Ի. Սավայեւիչի ուղեւոր՝ Հաղթանակ գյուղի բնակիչ, 53-ամյա Անժելա Մարգարյանը...
Որպես հանձնուք բերված սառնարանի մեջ հայտնաբերվել են 3147 դեղահաբ եւ այլ արգելված իրեր հատուկ պատրաստված թաքստոցից
Հայաստանի Հանրապետության արդարադատության նախարարության քրեակատարողական ծառայության կողմից շարունակվում է հետեւողական պայքարը…
Վերաքննիչ դատարանը բավարարել է 2001-ին «Առագաստ» սրճարանում Պողոս Պողոսյանի սպանության գործով Դատախազության բողոքը
Միաժամանակ, դատարանի որոշմամբ Աղամալ Հարությունյանի նկատմամբ որպես խափանման միջոց է ընտրվել չհեռանալու մասին ստորագրությունը...