News
Լրահոս
News
Շաբաթ
Հուլիս 04
USD
483.84
EUR
543.3
RUB
6.81
ME-USD
0.02
Տեսնել լրահոսը

Քանի որ ՀՀ վարչապետը հեռացրել է լուսանկարն իր էջից եւ արել պարզաբանող գրառում, ապա այդ հարցին անդրադառնալու անհրաժեշտություն այլեւս չեմ տեսնում: Այս մասին ֆեյսբուքյան իր էջում գրել է ՀՀ մարդու իրավունքների պաշտպան Արման Թաթոյանը։

Նա, մասնավորապես, գրել է.

«Մարդու իրավունքներին վերաբերող ցանկացած հարց գտնվում է իմ անմիջական ուշադրության ներքո՝ անկախ նրանից արձագանքում եմ հրապարակային, թե ոչ:

Սոցիալական ցանցերի բոլոր օգտատերերին խնդրում եմ չտարածել աղջկա լուսանկարը՝ անկախ նրանից դեմքը փակ է, թե ոչ: Կոնկրետ դեպքի առանձնահատկությունը հաշվի առնելով՝ եթե տարածել եք, խնդրում եմ հեռացնել լուսանկարը եւ վիրավորական մեկնաբանություն պարունակող արտապատկերները։

Քանի որ ՀՀ վարչապետը հեռացրել է լուսանկարն իր էջից եւ արել պարզաբանող գրառում, ապա այդ հարցին անդրադառնալու անհրաժեշտություն այլեւս չեմ տեսնում:

Հրապարակումներ անելիս հանրային գործիչները պետք է միշտ հաշվի առնեն, որ որքան էլ նպատակը լինի իրավաչափ, դա կարող է խախտել կոնկրետ մարդու իրավունքը»։

Նշենք, որ ավելի վաղ ֆեյսբուքյան էջում Նիկոլ Փաշինյանը հրապարակել էր մետրոյում առանց դիմակի նստած աղջկա լուսանկար, որտեղ երեւում էր աղջկա դեմքը եւ հետեւյալ գրառումն արել ՝ անթաքույց գեղեցկություն։ Այս լուսանկարը բուռն քննադատությունների մեծ ալիք էր բարձրացրել սոցիալական հարթակում, ինչից հետո Փաշինյանը լուսանկարը հեռացրել էր իր էջից։

Տպել
Ամենաշատ