Հայաստանում մեկ ոստիկանին 4.1 միլիոն դրամ (մոտ 8,5 հազար դոլար) է բաժին ընկնում, մինչդեռ տնտեսապես զարգացած երկրներում այդ ցուցանիշը հասնում է 74.2 - 247.2 հազար դոլարի:
Վերջին ցուցանիշը գրանցվել է Նորվեգիայում: Այս մասին հունիսի 5-ին ՀՀ Ազգային ժողովում մշտական խորհրդարանական հանձնաժողովների համատեղ նիստին 2019 թվականի պետական բյուջեի կատարողականի մասին զեկույցի քննարկմանն ասաց ոստիկանապետ Արման Սարգսյանը:
Ըստ նրա՝ ՀՀ կառավարությունը հասկացել է, որ անհրաժեշտ է ավելի շատ գումար ծախսել այս կառույցի վրա, եւ այժմ այն աստիճանաբար ավելացնում է ծախսերը ոստիկանության կարիքների համար:
