News
Լրահոս
News
Երկուշաբթի
Հուլիս 13
USD
486.73
EUR
549.62
RUB
6.84
ME-USD
0.02
Տեսնել լրահոսը

Նախագահ Վլադիմիր Զելենսկին հայտարարել է , որ ներքին գործերի նախարար Արսեն Ավակովը պետք է ավարտին հասցնի Պավել Շերեմետի սպանության գործը եւ, որ առայժմ ավելի լավ նախարար չկա։ Այս մասին Զելենսկին հայտարարել է «Զալեսյե» նստավայրում Լրագրողի օրվա կապակցությամբ մամուլի հետ ոչ պաշտոնական շփման ժամանակ, հայտնում է 112.ua-ն։

Զելենսկին համարում է, որ ներքին գործերի ավելի լավ նախարար, քան Ավակովն է, մինչ այժմ չկա, հայտնում է «Ուկրաինսկայա պրավդա»-ն։

«Մինչ այժմ ավելի լավ նախարար չկա: Ես կարծում եմ, որ նա իսկապես հզոր նախարար է: Ես հասկանում եմ, թե ինչու է գործադուլ: Ես անկեղծ պատասխանեցի այս հարցին, որ եթե մարդը ստանձնել է ինչ-որ իսկապես սենսացիոն աղմկահարույց գործ, նա պետք է ապացուցի այն եւ կիսատ չթողնի»,- ասել է Զելենսկին:

Նշենք, որ Զելենսկին Լրագրողի օրվա կապակցությամբ հավաքել է ԶԼՄ-ների ներկայացուցիչներին։ Ծրագրվում է հեծանիվ քշել։

Հիշեցնենք, որ երեկ, մինչ ժողովրդական պատգամավորները խորհրդարանում լսում էին ՆԳՆ ղեկավար Արսեն Ավակովին, ով հանդես էր գալիս Բրովարիում փոխհրաձգության, Կագարլիկի ոստիկանական բաժանմունքում կնոջ բռնաբարության եւ աղմկահարույց այլ գործերի մասին զեկույցով, Գերագույն ռադայի եւ կառավարության շենքերի մոտ անցկացվում էին բողոքի ցույցեր, որտեղ պահանջում էին Արսեն Ավակովի հրաժարականը։ Ցույցեր էին տեղի ունենում նաեւ Լվովում եւ Խարկովում։

!
Այս նյութը հասանելի է նաև   Русский
Տպել
Ամենաշատ