News
Լրահոս
News
Ուրբաթ
Հունվար 28
USD
482.57
EUR
540.24
RUB
6.13
Տեսնել լրահոսը

Երեւանի թիվ 114 դպրոցի տնօրեն Ռուզաննա Կոստանյանը իր հետ կատարվածում միտում  է տեսնում իր հանդեպ: Այս մասին նա ասել է Aravot.am-ի հետ զրույցում:

Ինչ վերաբերում է  իր հասցեին սոցցանցում արված որոշ անհաճո գրառումներին, տիկին Կոստանյանն ասաց, որ չի ճանաչում դրանց հեղինակներին, որովհետեւ իր շրջանավարտներից միայն դրական արձագանքների է միշտ արժանացել ու նրանց իննսուն տոկոսին հիշում է:

Նա որոշ մանրամասներ ներկայացրեց կատարվածից. «Իմ աշխատասենյակում է դա եղել, անգամ մի բազկաթոռ չենք տեղաշարժել, հինգ րոպեից ավել չէր կարող ձգվել, որովհետեւ պետք է գրաֆիկի մեջ տեղավորվեինք: Եթե դա նախապես պլանավորված միջոցառում լիներ, ուրիշների նման տարածքը կձեւավորեինք, էլի եմ կրկնում, դա  ինքնաբուխ մի բան էր՝ երեխաների երախտագիտությունը արտահայտելու յուրատեսակ դրսեւորում… Մայիսի 25-ին ԿԳՄՍ նախարարի  հրահանգի համաձայն պետք է շրջանավարտներին հանձնվեր միջնակարգ կրթության վկայականները, գրաֆիկ  էինք նախապես կազմել, յուրաքանչյուր դասարանից չորսից վեց աշակերտ պետք է գար, երկուական մոտենային տնօրենին եւ ստանային իրենց ատեստատները: Սա  12/4 դասարանն էր: Երբ սպասում էի, որ հերթով մտնեին, անակնկալ  ներս մտան՝ հեռախոսով միացրած Վերջին զանգի երաժշտությունը: Երբ ներս մտան, տղաներից մեկն ինձ բերեց մեջտեղ, մեկ րոպե պարեցինք, ուզեցի ուրախ ճանապարհել իրենց, հատկապես որ դա իրենց վերջին օրն էր դպրոցում: Սա եղավ շատ մեծ պատմություն, իհարկե ես պետք է հասկանայի, պետք է զգայի, որ այդպես չպետք է լիներ… »,- հավելեց մեր զրուցակիցը: Պատասխանելով մեր հարցին՝ տիկին Կոստանյանը նաեւ նշեց. «Պարետատան որոշումը խախտելու համար տուգանք է հասնում, ես բոլոր որոշումները նայել եմ, կարող էին ինձ տուգանել: Սա մասսայական միջոցառում չէր, եթե տեսանյութը ուշադիր նայեք, կտեսնեք, որ անգամ մեկ բազկաթոռ տեղից շարժված չէ, մի աթոռ անգամ չի տեղափոխվել: Եթե միջոցառում պետք է լիներ, մենք պետք է նախապես պատրաստվեինք,  կամ ոնց կլինի՝ մի դասարանի համար միջոցառում անենք, մյուսների համար՝ ոչ: Չէ՞ որ դու մանկավարժ ես, չես կարող անարդար գտնվել մյուսների նկատմամբ կամ տարբերություն դնել: Երեխաները տասներկու տարի սովորել են դպրոցում, դա իրենց անակնկալն էր: Իրենք դասղեկի հետ էլ չեն խորհրդակցել, տասնյոթ-տասնութ տարեկան երեխեք են, ինքնաբուխ այդպիսի քայլ են արել, անգամ ծնողներն են դեմ եղել: Ես հետո այս օրերի մեջ պարզում եմ, որ երեխաները դպրոցից տուն են գնացել եւ ասել են՝  փաստորեն այսպես ավարտեցինք: Ընդամենը հինգից-յոթ րոպե տեւածի համար կարելի՞ է հարամ անել դպրոցի եւ երեխաների գլխին»:

Նշենք, որ շրջանավարտների հետ հանդիպման փոքրիկ տեսանյութը հայտնվել  է վարչապետի էջում, ինչից հետո  ԿԳՄՍ նախարարությունից աշխատանքից ազատման դիմում գրելու պահանջ են դրել տիկին Կոստանյանի առաջ:

Տպել
Կարդացեք նաև
Ամբողջը
Արցախում կորոնավիրուսի 8 նոր դեպք է գրանցվել. 5 հիվանդի վիճակը գնահատում են ծայրահեղ ծանր
Արցախի Հանրապետության առողջապահության նախարարությունը կրկին...
Կարծում եք՝ աշխարհում կորոնավիրուսը տարածվել է Սուրեն Պապիկյանի հարսանիքի պատճառո՞վ. Մհեր Գրիգորյան
Այսօր երեկոյան նախատեսված էր ընդունելություն փակ վայրում, որը հետաձգվել է…
Վահան Քերոբյան. ՀՀ պաշտպանության նախարարի հարսանիքին QR կոդը ցույց տալու իմաստ չկար
Նա պարզաբանեց, որ հարսանիքից երկու օր առաջ հրապարակավ պատվաստվել էր բուստերային դեղաչափով...
Թել Ավիվի դատարանն արգելել է ուսուցիչների գործադուլը՝ դպրոցներում կարանտինային նոր կանոնների պատճառով
Հունվարի 27-ից Իսրայելում բոլոր դպրոցականները «պետք է հակագենի շաբաթական երկու տնային թեստ հանձնեն՝ կիրակի եւ չորեքշաբթի օրերին, նախքան ուսումնական հաստատություն մտնելը...
Արայիկ Հարությունյանի կորոնավիրուսի թեստի պատասխանը բացասական է
Արցախի նախագահն աշխատանքային նորմալ ռեժիմով աշխատում է...
Արցախում կորոնավիրուսի 6 նոր դեպք է գրանցվել. Բժիշկները 6 հիվանդի վիճակը գնահատում են ծայրահեղ ծանր
2022 թվականի ընթացքում կորոնավիրուսի լաբորատոր հայտնաբերման նպատակով...