Եգիպտոսում երեք աղջկա հայրը եւ բժիշկը կկանգնի դատարանի առջեւ՝ իր դստրերի սեռական օրգանները վիրահատության միջոցով հեռացնելու համար, փոխանցում է AP-ն:
Կահիրեում Կառավարող եւ իրավական գիտելիքների կանանց կենտրոնի գործադիր տնօրեն Ռեդա Էլ-Դանբուկին նշել է, որ կանանց սեռական օրգաններին վնասող վիրահատությունները տեղի են ունեցել անցած շաբաթ Սոհագ նահանգի Ջուհայնա շրջանում: Ըստ նրա՝ հայրը բերել էր իր 8, 9 եւ 11 տարեկանիր երեք դստրերին՝ նրանց ասելով, որ իրենց պատվաստում կանեն կորոնավիրուսի դեմ: Փոխարենը աղջիկներն արթնացել էին անեսթեզիայից հետո եւ պարզել, որ իրենց սեռական օրգանները հեռացվել են: Աղջիկները պատահածի մասին պատմել էին իրենց մորը, ով դեպքի մասին հայտնել էր ոստիկանությանը: Հայրը եւ բժիշկը ձերբակալվել են: Բժիշկին մինչեւ յոթ տարի ազատազրկում է սպասվում, իսկ հորը՝ մինչեւ ութ տարի:
1990-ականների կեսերից Եգիպտոսը պայքարում է կանանց սեռական օրգաններին վնասող բազմադարյա պրակտիկայի դեմ, որը հայտնի է նաեւ որպես «կանացի թլպատում», որը, ինչպես սխալմամբ ենթադրվում է, վերահսկում է կանացի սեքսուալությունը:
2008-ին Եգիպտոսի խորհրդարանն օրենք էր ընդունել, որն արգելում է կանանց սեռական օրգանների հեռացումը: Կառավարության՝ 2015 թվականին անցկացրած հարցումը ցույց էր տվել, որ եգիպտացի կանանց 87 տոկոսը թլփատվել է 15-ից 49 տարեկանում:
