Աստղագետները Երկրի նման մոլորակ են գտել։ Այն պտտվում է Արեւին նմանվող աստղի շուրջը, ընդ որում՝ դրա վրա պայմանները նույնպես կարող են նման լինել, գրում է HighTech-ը:
Երկրից երեք հազար լուսային տարի հեռավորությամբ գտնվում է Kepler 160-ը՝ Արեւի նման աստղը: Հետազոտողները դրա շուրջ չորրորդ մոլորակն են գտել: Նրանք այն անվանել են KOI-456.04։ Չափերով եւ ուղեծրով այն նման է Երկրին: Գիտնականները ենթադրում են, որ սա բնակելի մոլորակի լավագույն թեկնածուն է: Աստղագետները կարծում են, որ պետք է ավելի շատ ժամանակ հատկացնել Kepler 160 աստղի շուրջ պտտվող մոլորակները փնտրելու համար: Այնտեղ երկնային մարմինները կարող են բավարար լուսավորություն ստանալ, որպեսզի դրանք հարմար լինեն կյանքի համար:
Kepler 160-ի ուղեծրում պտտվող նոր մոլորակի մասին տվյալները ցույց են տվել, որ KOI 456.04-ը Երկրից երկու անգամ ավելի մեծ տեսք ունի եւ, կարծես, գտնվում է նույն հեռավորության վրա, ինչ Երկրից մինչեւ Արեւն է: Երկնային մարմինը ստանում է գրեթե նույնքան լույս, որքան Արեւը Երկրից:
